హాలీవుడ్ మహిళా స్టంట్ మాస్టర్ దుర్మరణం.. ఎక్కడ?

సినిమా షూటింగ్ సమయాల్లో వివిధ రకాల ప్రమాదాలు జరుగుతుంటాయి. ఈ తరహా ప్రమాదాల్లో పలువురు ప్రాణాలు కోల్పోవడం సహజంగా జరుగుతుంది. తాజాగా జరిగిన ప్రమాదంలో మహిళా స్టంట్ మాస్టర్ మృతి చెందారు. తాజాగా వెలుగులోకి

సినిమా షూటింగ్ సమయాల్లో వివిధ రకాల ప్రమాదాలు జరుగుతుంటాయి. ఈ తరహా ప్రమాదాల్లో పలువురు ప్రాణాలు కోల్పోవడం సహజంగా జరుగుతుంది. తాజాగా జరిగిన ప్రమాదంలో మహిళా స్టంట్ మాస్టర్ మృతి చెందారు. తాజాగా వెలుగులోకి వచ్చిన ఈ వివరాలను పరిశీలిస్తే... 

బ్రిటిష్ కొలంబియాలోని వాన్ కవర్ కన్వెన్షన్ సెంటర్ వద్ద జరిగిన హాలీవుడ్ మూవీ ‘డెడ్ పూల్’ పార్ట్ 2 షూటింగ్‌లో అపశ్రుతి చోటుచేసుకుంది. ఈ చిత్రానికి సంబంధించిన ఓ యాక్షన్ సన్నివేశాన్ని చిత్రీకరిస్తున్నారు. ఈ క్రమంలో మహిళా స్టంట్ మాస్టర్ ఎస్.జె.హర్రిస్ రిహార్సల్స్ చేస్తుండగా ఈ విషాదం చోటుచేసుకుంది. 

వేగంగా బైక్ నడుపుతూ అక్కడ ఉన్న సిగ్నల్‌ను క్రాస్ చేసిన ఆమె, అక్కడే ఉన్న మలుపులను గమనించలేకపోయింది. దీంతో, పక్కనే ఉన్న షా టవర్‌లోని ఓ షాపింగ్ మాల్ తలుపులను బలంగా ఢీకొట్టిన ఆమె అక్కడికక్కడే మృతి చెందింది. 

కాగా, ఈ సంఘటనపై ఈ చిత్ర నటుడు ర్యాన్ రెనాల్డ్స్ విషాదం వ్యక్తం చేస్తూ తన ట్విట్టర్ ఖాతా ద్వారా స్పందించాడు. ‘ఈ రోజు, డెడ్ పూల్ షూటింగ్‌లో చిత్ర యూనిట్‌లోని ఒకరిని మేము పోగొట్టుకున్న ఇది చాలా బాధాకరమైన రోజు. ఈ సంఘటనతో మా గుండెలు పగిలిపోయాయి.. అప్పటిదాకా మాతో నవ్వుతూ ఉన్న స్టంట్ మాస్టర్ ప్రాణాలు విడిచింది. ఆమె కుటుంబ సభ్యులకు నా ప్రగాఢ సంతాపం తెలియజేస్తున్నా’ అంటూ పేర్కొన్నాడు.