Webdunia - Bharat's app for daily news and videos

Install App

ఎండదెబ్బ... నీరసంగా ఉందా..? ఈ చిట్కాలు పాటించండి...

మనం ఆరోగ్యంపై శ్రద్ధ తీసుకోలేకపోతున్నాం.. దీంతో ఏ చిన్న పని చేసినా నీరసం తప్పట్లేదు. ముఖ్యంగా వేసవిలో నీరసంగా ఉన్నారంటే అధికంగా నీరు సేవించడం మంచిదని ఆరోగ్య నిపుణులు అంటున్నారు.

Webdunia
మంగళవారం, 31 మే 2016 (21:33 IST)
మనం ఆరోగ్యంపై శ్రద్ధ తీసుకోలేకపోతున్నాం.. దీంతో ఏ చిన్న పని చేసినా నీరసం తప్పట్లేదు. ముఖ్యంగా వేసవిలో నీరసంగా ఉన్నారంటే అధికంగా నీరు సేవించడం మంచిదని ఆరోగ్య నిపుణులు అంటున్నారు. 
 
ఇక నీరసానికి సంబంధించిన లక్షణాలు ఎలావుంటాయంటే తలనొప్పి, కడుపులో వికారంగా వుండటం, కండరాల నొప్పులు, ఏ విషయానికీ త్వరగా స్పందించక పోవటం, మూడీగా ఉండటం, ఆకలి మందగించటం, రోగనిరోధక శక్తి తగ్గిపోవడం ఏకాగ్రత లోపించడం వంటివని వైద్యులు అంటున్నారు. 
 
ఈ నీరసానికి అనేక కారణాలున్నాయని వైద్యులు చెబుతున్నారు. అవి ఏంటంటే వైద్యపరంగా తేల్చలేని ఆరోగ్యకారణాలు, ఆఫీస్ సమస్యలు, మానసిక సమస్యలు, అనారోగ్యకరమైన జీవన శైలి ప్రధాన సమస్యలని వారు తెలిపారు. 
 
పెద్దలకు కనీసం ఎనిమిది గంటల నిద్ర అవసరం. కానీ వ్యక్తిగత, కుటుంబ, సామాజిక కారణాల వలన చాలామంది కంటి నిండా నిద్రకు దూరమౌతున్నారని పరిశోధకులు చెబుతున్నారు. అలాగే రోజుకు కనీసం 11 గంటలకు పైగా నిద్ర పోవడం కూడా నీరసం ముంచుకు రావడానికి కారణమని తెలిపారు. 
 
మద్యం, ధూమపానం, గుట్కా వంటి మత్తు పదార్థాల ప్రభావంతో మెదడు మొద్దు బారిపోతుంది. ఇంకా 
శారీరకంగా వ్యాయామం లేకపోవడం వలనకూడా మానసిక వత్తిడి పెరిగిపోతుంది. దీనివల్ల యాంగ్జైటీ పెరిగిపోవడం, యాంగ్జైటీవల్ల డిప్రెషన్ పెరిగిపోతుంది. డిప్రెషన్‌తో నిద్రకు దూరమౌతారని వైద్యులు పేర్కొన్నారు. 
 
సమయానుసారంగా పౌష్టికాహారం తీసుకోకపోవడం వలన కూడా నీరసం వస్తుంది.  
 
అయితే నీరసాన్ని అధిగమించాలంటే..
 
* శరీరంలో నీరు లేకపోయినా నిస్సత్తువ ఆవహిస్తుంది. కాబట్టి నీరు ఎక్కువగా తాగండి. 
 
* కార్బోహైడ్రేట్లు ఎక్కువగావున్న ఆహారం, తృణ ధాన్యాలతో కూడిన ఆహారాన్ని ఉదయంపూట అల్పాహారంగా తీసుకోండి. అతిగా డైటింగ్ చేయడం వల్లకూడా శరీరంలోని శక్తి హరించుకుపోతుంది. దీంతో నీరసం ఆవహిస్తుంది. 
 
* ఒకేసారి ఆహారాన్ని ఎక్కువ మోతాదులో తీసుకోవడం కంటే కొద్ది కొద్దిగా ఎక్కువసార్లు తీసుకోవడం మంచిది. మహిళలు తీసుకునే ఆహారంలో ఐరన్ మోతాదు సరిగ్గా ఉండేలా చూసుకోవాలి. 
 
* నిద్ర లోపాలను సవరించుకుని తగినంతగా నిద్ర పోవడానికి ప్రయత్నించండి. నిద్ర పట్టడానికి వాడే మాత్రలు ఎట్టి పరిస్థితుల్లోనూ వాడకండి. 
 
* మద్యపానం, ధూమపానం మానుకోండి. భౌతిక వ్యాయామం తగినంతగావుండేలా చూసుకోండి. దీంతో శరీరానికి కావాల్సినంత నిద్ర లభిస్తుంది. 
 
* ఈ ఆధునిక యుగంలో కంప్యూటర్ లేనిదే ఏ పనీ జరగడం లేదు. కాబట్టి కంప్యూటర్ ముందు కూర్చొని పని చేయటం, టీవీ చూడటం వంటివి కాస్త తగ్గించండి. 
 
*  దీర్ఘ కాలికంగా డిప్రెషన్, యాంగ్జైటీ కలిగిస్తున్న కారణాలు మీ జీవితంలో ఏమున్నాయో గుర్తించండి. ఆ తర్వాత వాటితో రాజీపడటమో లేక కౌన్సిలింగ్ సహాయం తీసుకోవడమో చేయండి. 
 
* జీవితాన్ని హాయిగా ఉల్లాసంగా గడపడానికి ప్రయత్నించండి. రోజూ కనీసం 10 నిముషాలైనా నడవండి. శరీరానికి సరైన ఆహారం, వ్యాయామం, మనసుకు తగినంత ప్రశాంతత ఉంటే నీరసం, నిస్సత్తువ మీ దరికి చేరదంటున్నారు వైద్యులు. 
అన్నీ చూడండి

తాాజా వార్తలు

Vizag Beach Road: జూన్ 21న అంతర్జాతీయ యోగా దినోత్సవం.. వైజాగ్ ముస్తాబు

జగన్ తీరు అలీబాబా 40 దొంగల మాదిరిగా ఉంది : ఫోన్ ట్యాపింగ్‌పై వైఎస్ షర్మిల

నా దారి రహదారి అని ఏపీ పోలీసులకు తెలియదనుకుంటా: హెల్మెట్ లేకుండా యువతి వీడియో తీస్తూ డ్రైవింగ్ (video)

FASTag: ఫాస్ట్‌ట్యాగ్ వార్షిక టోల్ పాస్‌లు.. పవన్ కల్యాణ్ స్పందన ఏంటి?

కొండా సురేఖకు కేటాయించిన శాఖలో పైసలు రావు .. ఖర్చులకు నేనే ఇస్తా : కొండా మురళి

అన్నీ చూడండి

టాలీవుడ్ లేటెస్ట్

హర్యాన్వీ గుర్తింపు, ఇష్క్ బావ్లాను ఆవిష్కరించిన కోక్ స్టూడియో భారత్

పాపా చిత్ర విజయంతో స్ట్రెయిట్ సినిమా ప్లాన్ చేయబోతున్నాం: నిర్మాత నీరజ కోట

విష్ణు మంచు కన్నప్ప నుంచి అవ్రామ్ మంచు మేకింగ్ వీడియో

అనంత పద్మనాభ స్వామి టెంపుల్ సెట్‌లో విరాట్ కర్ణ చిత్రం నాగబంధం

సుహాస్ , కీర్తి సురేష్ నటించిన ఉప్పు కప్పురంబు ట్రెయిలర్ లాంచ్

తర్వాతి కథనం
Show comments