పరగడుపునే రోజుకి 10 వేపాకులు తింటే....?

వేప చెట్టు నీడ ఎంత చల్లగా ఉంటుందో ప్రత్యేకించి చెప్పనవసరం లేదు. నీడతో పాటు వేపచెట్టు గాలి, పూత, కాయలు, ఆకులు, బెరడు... ఇలా వేపచెట్టుకు సంబంధించిన ప్రతిదీ ఆరోగ్యకరమే. కాబట్టి చేదుగా ఉంటుంది కదా అని తేలికగా చూడకుండా వేపకాయలు, విత్తనాల నుంచి తీసిన నూనెన

వేప చెట్టు నీడ ఎంత చల్లగా ఉంటుందో ప్రత్యేకించి చెప్పనవసరం లేదు. నీడతో పాటు వేపచెట్టు గాలి, పూత, కాయలు, ఆకులు, బెరడు... ఇలా వేపచెట్టుకు సంబంధించిన ప్రతిదీ ఆరోగ్యకరమే. కాబట్టి చేదుగా ఉంటుంది కదా అని తేలికగా చూడకుండా వేపకాయలు, విత్తనాల నుంచి తీసిన నూనెను ఆరోగ్య ప్రయోజనాల కోసం వినియోగించాలి. 

పరగడుపునే రోజుకి 10 వేపాకులు తింటే మధుమేహం అదుపులోకి వస్తుంది. వేపనూనెతో మర్ధన చేస్తే కీళ్ళ నొప్పులు తగ్గుతాయి. నాలుగు కప్పుల నీళ్లలో ఒక కప్పు వేప బెరడును మరిగించి ఆ నీళ్లను కాలిన మచ్చలపై పూస్తే కొద్ది రోజులకు మచ్చలు మాటుమాయమవుతాయి. వేప పూలను నూరి ఆ ముద్దతో తలకు పట్టు వేస్తే తలనొప్పి తగ్గుతుంది. 

కొన్ని చుక్కల వేప ఆకుల రసం చెవిలో పోస్తే చెవిపోటు తగ్గుతుంది. ఒక టీ స్పూన్ వేప బెరడుకు రెండు టీస్పూన్ల బెల్లం కలిపి తీసుకుంటే మొలలు తగ్గుతాయి. ఒక టీస్పూను వేపాకు పొడిని తింటే అసిడిటీ తగ్గుతుంది. వేపనూనె చుండ్రును నివారిస్తుంది. కాబట్టి తలస్నానానికి ముందు ఈ నూనెను తలకు పట్టించి మర్దనా చేయాలి. మొటిమలు తగ్గాలంటే వాటి మీద వేప నూనె పూయాలి. 

వేపనూనె యాంటీ ఫంగల్, యాంటీ బ్యాక్టీరియల్ గుణాలు కలిగి ఉంటుంది. కాబట్టి వెంట్రుకల సమస్యలున్న వాళ్లు వేపనూనెలో కొబ్బరి నూనె లేదా బాదం నూనె కలిపి వెంట్రుకల కుదుళ్లకు పట్టించి, తలస్నానం చేయాలి. మేలురకమైన పలుచని వేపనూనెను సేకరించుకొని ,స్నానానికి గంట ముందుగా రెండు పూటల స్థనాలపైన లేపనం చేస్తూ వుంటే క్రమంగా స్థనాల వాపు, పోటు, మంటలు తగ్గిపోతాయి.