కండరాలకు శక్తి కావాలంటే..

మానవ శరీరంలో కండరాలు చాలా ముఖ్యమైన పాత్రను పోషిస్తాయి. ఈ కండరాలకు బలం చేకూర్చటానికి పౌష్టికాహార నిపుణులు కొన్ని రకాల ఆహార పదార్థాలను సూచిస్తున్నారు. అవేమిటో చూద్దాం. 

చికెన్ : కండరాలు దృఢపడాలంటే ప్రొటీన్ ఉండాలి. ఆదేసమయంలో కొవ్వు ఎక్కువగా ఉండకూడదు. చికెన్‌లో ఈ రెండు లక్షణాలు ఉన్నాయి. మిగిలిన మాంసాలతో పోలిస్తే చికెన్‌లోనే ఎక్కువ ప్రొటీన్ ఉంటుంది.

తోపు : మాంసాహారం తిననివారికి ప్రొటీన్ కావాలంటే తోపును తినమని నిపుణులు సూచిస్తున్నారు. మిగిలిన పదార్థాలన్నింటి కన్నా తోపులో ఎక్కువ ప్రొటీన్ ఉంటుంది. వారంలో కనీసం మూడుసార్లు 150 గ్రాముల చొప్పున తోపును తింటే అనేక ప్రయోజనాలుంటాయని పేర్కొంటున్నారు.

వేరుశనగ : వేరుశనగలో ప్రొటీన్లు ఎక్కువ ఉంటాయి. అందువల్ల వేరుశనగతో చేసిన పదార్థాలు తింటే కండరాలకు అదనపు శక్తి లభిస్తుంది. అందువల్ల ఆహారంలో వేరుశనగను తప్పనిసరిగా చేర్చమని పౌష్టికాహార నిపుణులు సూచిస్తున్నారు.

కోడిగుడ్డు : వీటిలో బి-విటమిన్ ఉండటం వల్ల తక్షణ శక్తి వస్తుంది. దీంతోపాటు ఒక ఉడికిన కోడిగుడ్డులో 6 గ్రాముల ప్రొటీన్ ఉంటుంది. అమినో యాసిడ్ గుణం వల్ల కండరాల వృద్ధి కలుగుతుంది. వీటితో పాటు తాజా కూరగాయలు, పండ్లు, ఓట్స్, గింజలు.. లాంటివి తినటం వల్ల కూడా మజిల్ ఆరోగ్యానికి మేలు చేకూరుతుంది. 

గేదె పాలు : గేదె పాలల్లో ప్రొటీన్ల శాతం ఎక్కువ. కండరాల మెరుగుతోపాటు ఇందులోని కాల్షియం వల్ల ఎముకలకూ మంచిది. పిండిపదార్థం, థయామిన్ అధికంగా ఉండే బ్రౌన్ రైస్ తినటం వల్ల. కూడా కండరాలకు ఎంతో ఉపయోగం.