బెల్లం. ఒక్క చిన్న ముక్క బుగ్గన పెట్టుకున్నా శరీరానికి శక్తి వచ్చేస్తుంది. ఇందులో ఖనిజాలు, విటమిన్లు శరీరానికి అవసరమైన తక్షణ శక్తిని అందిస్తాయి. ఈ బెల్లాన్ని ఇప్పుడు చెప్పుకోబేయే వాటితో కలిపి తీసుకుంటే ఆరోగ్యం అదుర్స్ అంటున్నారు నిపుణులు. అవేమిటో తెలుసుకుందాము. బెల్లంతో శొంఠి పొడి కలుపుకుని తింటే జ్వరం నుంచి ఉపశమనం లభిస్తుంది.
శరీరంలో వాపులు వున్నవారు కూడా ఈ బెల్లం మిశ్రమాన్ని తింటే ప్రయోజనం వుంటుంది. బెల్లంతో సోంపును కలిపి తింటుంటే నోటి దుర్వాసన దూరమవుతుంది. నువ్వులు-బెల్లం రెండూ కలిపి తింటే జలుబు, దగ్గు, ఫ్లూ వంటి సమస్యలు రావు.
బెల్లం-వేరుశనగ పప్పు వుండలను తింటే శరీరానికి తక్షణ శక్తి లభిస్తుంది. ధనియాలతో బెల్లాన్ని కలిపి తీసుకుంటే మహిళలకు నెలసరి సమయంలో వచ్చే నొప్పి నుంచి బయటపడవచ్చు.