అమెరికాలో ఓ విచిత్రమైన ఘటన చోటుచేసుకుంది. ఓ వ్యక్తి కుటుంబ నియంత్రణ ఆపరేషన్ (వెసక్టమీ) చేయించుకునేందుకు ఓ ఆస్పత్రికి వెళ్లాడు. అక్కడ ఆపరేషన్ చేసే క్రమంలో వైద్యులు.. ఒక వృషణానికి రక్తం సరఫరా చేసే రక్త నాళాలను కత్తిరించారు. దీంతో ఒక వృషణాన్ని తొలగించాల్సిన పరిస్థితి ఏర్పడింది.
ఈ వ్యవహారంపై బాధితుడు కోర్టును ఆశ్రయించాడు. ఆ కేసు ఇటీవల విచారణకు రావడంతో జడ్జి కేసును పరిశీలించి సదరు హాస్పిటల్‌ను దోషిగా తేల్చారు. యూకాన్ హాస్పిటల్‌ ఆ వ్యక్తికి దాదాపు 2.5 కోట్ల రూపాయలు నష్టపరిహారంగా చెల్లించాలని ఆదేశించారు. కాగా, ఈ కేసు 2013లో ఫార్మింగ్టన్‌లోని యూకాన్ హెల్త్ సెంటర్‌లో జరుగింది.