ఇంటి పనుల్లో సాయం చేస్తే.. శృంగార సామ్రాజ్యం మీదే...

గురజాడగారి కన్యాశుల్కంలో ఓ పాపులర్ డైలాగ్ ఉంది - వేదాల్లో అన్నీ ఉన్నాయష.. అంటూ... ఈ మాటలో సత్యాసత్యాల గురించి పక్కన పెడితే అప్పుడెప్పుడో 1957లో విడుదలైన తోడికోడళ్లు సినిమాలో గీతరచయిత కొసరాజుగారు ఓ పాట

గురజాడగారి కన్యాశుల్కంలో ఓ పాపులర్ డైలాగ్ ఉంది - వేదాల్లో అన్నీ ఉన్నాయష.. అంటూ... ఈ మాటలో సత్యాసత్యాల గురించి పక్కన పెడితే అప్పుడెప్పుడో 1957లో విడుదలైన తోడికోడళ్లు సినిమాలో గీతరచయిత కొసరాజుగారు ఓ పాటలో - ఆడుతు పాడుతూ పని చేస్తుంటే అలుపు సొలుపేమున్నది ఇద్దరమొకటై చేయి కలిపితే ఎదురేమున్నది మనకు కొదవేమున్నది.. అని నాయికానాయకులతో అనిపించారు. ఆ విషయాన్నే అమెరికా పరిశోధనలు ఇప్పుడు నిరూపిస్తున్నాయి. 

ఇంతకీ విషయమేంటంటే -

ఇంటి పనులతో సతమతమయ్యే ఆడవారికి మగవారు సాయం చేయడం చాలా అరుదు. అడపాదడపా చేసినా ఇరుగుపొరుగు ఏమనుకుంటారో, ఎవరైనా చూస్తారేమో అనే సంశయాలతో కొట్టుమిట్టాడుతుంటారు. కానీ అలా ఒకరికొకరు సాయం చేసుకునే జంటలే శృంగారాన్ని మరింత బాగా ఆస్వాదించగలరంటోంది ఈ అధ్యయనం. వంట చేయడం, అంట్లు తోమడం, షాపింగ్ వంటి పనులు అన్నింటినీ ఒక్కరే చేసే జంటలు సగటున నెలకు 5 సార్లే శృంగారంలో పాల్గొంటుండగా, ఇలాంటి పనులను సమానంగా పంచుకునే జంటలు 6 నుండి 8 సార్లు పాల్గొంటున్నాయట. 

కొసమెరుపు -

ఈ అధ్యయనం వెల్లడించిన మరో విషయమేంటంటే, ఎంతో అభివృద్ధి చెందాయి, స్త్రీలకు సమాన హక్కులు ఉంటాయి అని మనం అనుకునే అమెరికాలోనూ ఇప్పటికీ 63 శాతం ఇళ్లల్లో ఎక్కువ పని భారాన్ని స్త్రీలే భరిస్తున్నారని. ఆఫీసుల్లో మగవారి కంటే ఎక్కువసేపు పని చేసి, తమ భర్త కంటే ఎక్కువ సంపాదించే మహిళలు సైతం దీనికి మినహాయింపేమీ కాదట. ఈ విషయంలో ఏ దేశ పురుష పుంగవులైనా ఒక్కటే అని మరోసారి తేటతెల్లమైంది.