మహిళలు నిద్రించేటప్పుడు లో దుస్తులు ధరించవచ్చా?

మహిళలు నిద్రించేటప్పుడు నైటీలను ధరించడం చేస్తారు. అయితే లో దుస్తుల గురించి పెద్దగా పట్టించుకోరు. కానీ నిద్రించేటప్పుడు బిగుతుగా ఉండే లో దుస్తులను ధరించి నిద్రించకూడదని ఆరోగ్య నిపుణులు హెచ్చరిస్తున్నార

మహిళలు నిద్రించేటప్పుడు నైటీలను ధరించడం చేస్తారు. అయితే లో దుస్తుల గురించి పెద్దగా పట్టించుకోరు. కానీ నిద్రించేటప్పుడు బిగుతుగా ఉండే లో దుస్తులను ధరించి నిద్రించకూడదని ఆరోగ్య నిపుణులు హెచ్చరిస్తున్నారు. ముఖ్యంగా రాత్రిపూట లోదుస్తులు ధరించకుండా నిద్రించడం మంచిది.

ఇంకా నిద్రకు ఉపక్రమించేందుకు ముందు మహిళలు ఏం చేయాలంటే..? ఉదయం పూట వేసుకున్న మేకప్‌ను తొలగించాలి. హెయిర్ స్టైల్ తొలగించాలి. జుట్టును వదులుగా వదిలేయాలి. ముఖానికి కొబ్బరినూనెను పూతలో వేసుకోవాలి. కాంటాక్ట్ లెన్స్ వాడే వారైతే.. లెన్స్‌ను తొలగించి నిద్రించడం ఉత్తమం.

చాలామటుకు ఆభరణాలు ధరించడం కూడదు. నగలను తొలగించడం మంచిది. నిద్రించేందుకు ముందు సెల్ ఫోన్లను పక్కనే ఉంచడం కూడదు. కాస్త దూరంగా వాటిని పెట్టడం మంచిది. లేదా స్విచ్ఛాప్ చేయాలి. లేకుంటే సెల్ ఫోన్ రేడియేషన్ కారణంగా నిద్రలేమి తప్పదంటున్నారు.. ఆరోగ్య నిపుణులు. 

గర్భిణీ మహిళలైతే సాయంత్రం రాత్రి పూట అధికంగా నీరు లేదా ద్రవ పదార్థాలు ఎక్కువగా తీసుకోకపోవడం ద్వారా రాత్రి పూట బాత్రూమ్‌ల వెంట నడిచే పని తప్పుతుంది. దీంతో నిద్రకు భంగం కలుగదు. అయితే మితంగా నీటిని తీసుకోవాలి. పగటి పూట ఎక్కువ నీటిని తీసుకోవాలి. ఇక రాత్రిపూట లోదుస్తులను తొలగించి నైటీలతో నిద్రించడం ద్వారా ఇన్ఫెక్షన్లను దూరం చేసుకోవచ్చు.

బిగుతుగా వుండే దుస్తులను ధరించడం ద్వారా చర్మ సమస్యలు తప్పవని అందుకే వాటిని తొలగించి నిద్రించడం మంచిదని ఆరోగ్య నిపుణులు అంటున్నారు. చెమట ద్వారా బ్యాక్టీరియాలు చర్మాన్ని కమలిపోయేలా చేస్తాయని.. తద్వారా దురద వంటి ఇతరత్రా సమస్యలు ఉత్పన్నమవుతాయి. అందుకే రాత్రి నిద్రకు ఉపక్రమించేందుకు ముందు స్నానం చేసి.. తడి లేకుండా మాయిశ్చరైజర్ క్రీములను చర్మానికి వాడటం మంచిదని వారు చెప్తున్నారు.