ఫ్రిజ్ ఉంది సరే... దాన్ని ఎలా వాడుతున్నారు...? ఎలా వాడుకోవాలంటే...

ఆరోగ్యం పదిలంగా ఉండాలంటే జాగ్రత్తలు తప్పనిసరి. మనం రోజూ ఫ్రిజ్‌లో అనేక పదార్థాలను నిల్వ ఉంచి ఆ తర్వాత వాడుకోవచ్చు అనుకుంటాము. కానీ దానికీ పరిమితులున్నాయి. క్యాన్సర్ కారక రసాయనాలు ఉద్భవించకుండా, ఆహార పదార్ధాలు విషతుల్యాలుగా మారకుండ జాగ్రత్తలు తీసుకోవాలి. అలాగే రిఫ్రిజరేటర్ వాడకంలో జాగ్రత్తలు తీసుకుంటే ఎక్కువ కాలం మన్నుతుంది. కరెంటు ఖర్చు కూడా తగ్గుతుంది.

* ఆఖరి దశలో ఉన్న పదార్థాలను ఫ్రిడ్జ్‌లో అసలు పెట్టరాదు. పదార్థాలు చెడిపోయే తరుణంలో బాక్టీరియా వృద్ధి చెంది ఆరోగ్యంపై ప్రభావం చూపవచ్చు.

* ఫ్రిడ్జ్‌లో పెట్టిన పదార్థాలకు మూతలు తప్పక పెట్టాలి. పదార్థాలు ఉంచిన పాత్రల మూతలు తీసివేయరాదు. అనేక పదార్థాల వాసనలు కలిసిపోయి విషవాయువులు తయారవుతాయి.

* మెటాలిక్ పాత్రలు వాడకూడదు. రసాయనిక చర్య మూలంగా పదార్థాల రుచిమారవచ్చు. ప్లాస్టిక్ పాత్రలు వాడటం మేలు

*ఫ్రిజ్‌లో ఉంచిన పదార్థాలను ఎప్పటిలోగా తిరిగి ఉపయోగించుకోవాలన్నది తెలుసుకోవాలి. ఫ్రిజ్లోనే కదా అని పదార్థాన్ని ఎక్కువ రోజులు నిల్వ ఉంచకండి. ఫ్రిజ్లో పెట్టినంత మాత్రాన అవి చాలా రోజులు పాడవకుండా ఉంటాయనుకోవడం భ్రమ మాత్రమే. కరెంట్ పోయిన సందర్భాలు ఉంటాయి. 

*గాజు, ప్లాస్టిక్ పాత్రలలో పదార్థాలు, ద్రవాలకు పైమూతలు ఉంచి నిల్వ చేస్తే మంచిది.

*ఫ్రిజ్‌లో ఉంచిన పదార్థాలను బయటకు తీసి, వేడి చేసి వాడినచో మరలా అదే పదార్థాన్ని ఫ్రిజ్‌లో దాచి మరోసారి వాడాలనే తలంపు మంచిది కాదు.

* ఫ్రిజ్లో చిందిన పదార్థాలు, గడ్డకట్టిన ఐస్ వంటి వాటిని ఎప్పటికప్పుడు శుభ్రం చేయాలి. ఇలా చేస్తే లోపల ఉన్న పదార్థాలు విషపూరితం కాకుండా జాగ్రత్తపడవచ్చు.

* వేడి పదార్థాలను చల్లారిన తర్వాతే ఫ్రిజ్లో పెట్టాలి. అతివేడివి పెడితే లోపల ఉష్ణోగ్రత పెరిగి సూక్ష్మజీవులూ పెరుగుతాయి.

* తలుపును ఎక్కువసేపు తెరిచి ఉంచితే ఫ్రిజర్ లోపల ఉష్ణోగ్రత పెరిగి సూక్ష్మజీవులు వ్యాపిస్తాయి.

* ఒకసారి డీప్ ఫ్రీజర్లోంచి తీసిన పదార్థాలను తిరిగి ఫ్రీజర్లో ఉంచొద్దు. ఒకసారి బయటపెట్టిన ఆహారంపై బ్యాక్టీరియా పెరగడం ప్రారంభం అవుతుంది. దాన్ని మళ్లీ లోపల పెడితే ఆ బ్యాక్టీరియా ఎక్కువవుతుంది. అందువల్ల అవసరమైనంతవరకు తీసుకుని మిగిలింది లోపలే ఉంచాలి.

* నీటి పరిమాణం ఎక్కువగా ఉండే పుచ్చకాయ వంటి వాటిని సిల్వర్ ఫాయిల్లో ఉంచాలి. లేకపోతే నీరు అంతాపోయి, ఎండిపోవడమే కాక పోషక విలువలు కూడా మాయం అవుతాయి.

* ఫ్రిజ్ యొక్క ఇంజన్ కూడా విద్యుత్ అయస్కాంత క్షేత్రాన్ని సృష్టించి, రేడియేషన్‌కు కారణం అయ్యే అవకాశం ఉంది. దీనివల్ల ఫ్రిజ్‌లో పదార్థాలు విషతుల్యాలుగా మారతాయి.

* ఫ్రిజ్లో సామర్థ్యానికి మించి ఎక్కువ వస్తువులు పెట్టకూడదు. 

* పికెల్స్, క్రీమ్స్ వంటి వాటి ఎక్స్‌పైరీ డేట్ చూసుకొని పనికిరాని పారవేయడం వంటివి అప్పుడప్పుడూ చేస్తూ ఉండాలి. క్రమం తప్పకుండా శుభ్రం చేయాలి.

* ఫ్రిజ్‌లో నిలువ ఉంచిన పదార్థాలు చిన్న పిల్లలకు పెట్టడం వీలైనంత తగ్గించాలి.

* రేడియట్ హీట్‌కి సంబందించిన వాటిని( ఉదా: స్టవ్, వాటర్ హీటర్)ఫ్రిజ్‌కి దూరంగా ఉంచాలి.

* ఫ్రిజ్ యొక్క ఇంజన్ కూడా విద్యుత్ అయస్కాంత క్షేత్రాన్ని సృష్టించి, రేడియేషన్‌కు కారణమయ్యే అవకాశం ఉంది. దీనివల్ల ఫ్రిజ్‌లో పదార్థాలు విషతుల్యాలుగా మారతాయి. 

* ఫ్రిడ్జ్ వెనకాల ఎవాపరేట్ బాక్స్‌లోని నీరు తీసేటపుడు తప్పనిసరిగా కరెంట్ చెక్ చేయాలి లేదంటే కొన్ని సందర్భాలలో షాక్‌కి గురయ్యే ప్రమాదం ఉంది.