అందం, ఆయుష్షుని పెంచే యోగా

అందం ఆత్మవిశ్వాసాన్ని పెంపొందిస్తుంది. అందం కోసం మగువలు చేయని సాహసాలు లేవు. అందాన్ని కాపాడుకోవడం కోసం బ్యూటీపార్లర్ల చుట్టూ తిరుగుతూ, క్రీములు, లోషన్లు ముఖానికి రాసుకుంటూ ఉంటారు. ముఖానికి క్రీములు రాసుకోవడం మంచిదే కాని అదేపనిగా రాసుకుంటే ఇతర సమస్యలు వచ్చే అవకాశం అధికంగా ఉంటుంది. అందుకే బ్యూటీపార్లర్లకు కేటాయించే సమయాన్ని కొంత యోగా, మెడిటేషన్‌ కోసం కేటాయించడం వల్ల ఆరోగ్యంతో పాటు ముఖారవిందం పెరుగుతుందని నిపుణులు సూచిస్తున్నారు. 

యోగా వల్ల ముఖం కాంతివంతంగా మారుతుందని బ్యూటిషన్లు అంటున్నారు. రక్త పోటు, ఒత్తిడి తగ్గడం, బరువు తగ్గడ౦, కొలెస్టరాల్ నియంత్రణ వంటివి యోగా వల్ల జరుగుతుంది. బరువు తగ్గడానికి మంచి మార్గమైన యోగా అందంగా, ఆరోగ్యంగా వుండే శరీరాన్ని ఇస్తుంది. అన్నిటికన్నా ఎక్కువగా, మానసిక ఆనందం ఇచ్చే మార్గం యోగానే. రక్తసరఫరా మెరుగపడటమే కాకుండా శరీరంలోని అన్ని భాగాలకు ఆక్సిజన్‌ బాగా అందుతుందని వారు అంటున్నారు. అందం ఒక్కటే కాదు, యోగ ఆయుష్షును సైతం పెంచడానికి తోడ్పడుతుంది.