గుండెకు మేలు చేసే చేప: చేప కూరలకు ఆలివ్ ఆయిల్‌నే వాడండి.

గుండెను పదిలం చేసుకోవాలా? అయితే వారానికి రెండు లేదా మూడు సార్లు చేపలు తినండి అంటున్నారు ఆరోగ్య నిపుణులు. అది కూడా నూనె ఎక్కువగా ఉన్న చేపలను ఆరగించాలి. దీని వల్ల గుండెపోటు వచ్చే ముప్పు ఆరు నుంచి 12శాతం

గుండెను పదిలం చేసుకోవాలా? అయితే వారానికి రెండు లేదా మూడు సార్లు చేపలు తినండి అంటున్నారు ఆరోగ్య నిపుణులు. అది కూడా నూనె ఎక్కువగా ఉన్న చేపలను ఆరగించాలి. దీని వల్ల గుండెపోటు వచ్చే ముప్పు ఆరు నుంచి 12శాతం వరకు తగ్గుతుందని తాజాగా ఓ అధ్యయనంలో వెల్లడైంది. చేపల వినియోగానికి, గుండె ఆరోగ్యానికి మధ్య ఉన్న సంబంధంపై కేంబ్రిడ్జ్ యూనివర్సిటీ నిపుణులు పరిశోధించారు. 

గుండె ఆరోగ్యంగా ఉండటానికి తీసుకొనే చేపలలో, మంచి నీటిలో పెరిగే చేపల కన్నా ఉప్పు నీటిలో పెరిగే చేపలు ఎక్కువగా ఒమేగా-3 ఫాటీ ఆసిడ్‌లని కలిగి ఉంటాయి. సాల్మన్, ట్యునా, సార్డైన్స్, మాకేరాల్ వంటి ఉప్పు నీటిలో పెరిగే చేపలు చాలా ఆరోగ్యకరమని పరిశోధకులు తెలిపారు. 

చేప ఆహారంలో ఫ్యాటీ యాసిడ్స్ వుంటాయి. ప్రత్యేకించి సముద్రపు చేపలలో ఒమేగా 3 ఫ్యాటీ యాసిడ్స్ వుంటాయి. వీటిలో వుండే కొవ్వు శరీరంలో మంచి కొలెస్టరాల్ స్థాయిని పెంచుతుంది. ఫలితంగా రక్తనాళాలలో ఏర్పడే బ్లాకులను తొలగించేందుకు సహకరిస్తుంది. గుండె ఆరోగ్యంగా వుండాలంటే వారానికి కనీసం 8 నుండి 10 ఔన్సుల చేప ఆహారాన్ని తినాలి. అంటే రోజుకు కనీసం 25 గ్రాముల చేప ఆహారం వుంటే చాలు. చేపలు తినేటపుడు మాంసాన్ని మానడం మంచిది. రెండూ తింటే కేలరీలు అధికమైపోతాయి.

చేపలను చాలామంది వీటిని అధికంగా వేడిచేసి పోషకాలు పోగొడతారు. అతిగా వేడి చేస్తే వాటిలో వుండే పోషకాహారాలు పోయి ఫలితాన్నివ్వవు. వాటిని కొద్దిపాటి గ్రిల్లింగ్ చేస్తే చాలు. వాసన మరీ ఘాటుగా వుంటే మైక్రోవేవ్ ఒవెన్ ఉపయోగించి వండండి. తేలిక, త్వరగా అయిపోతుంది. చేపను వండటానికి ఎల్లపుడూ ఆలివ్ ఆయిల్ వాడండి. ఆలివ్ ఆయిల్ పోషకాలను నశింపచేయవు. ఇంకా చేపల్లోనే నూనె వుంటుంది. అందుచేత చేప కూరలకు అధికంగా నూనె వాడాల్సిన అవసరం లేదు.