భారీ శబ్దాలు వింటూ కాఫీ తాగుతున్నారా... వినికిడి లోపం ఖాయం...

సాధారణంగా ప్రతి రోజూ నిద్రలేవగానే ఓ మంచి కాఫీ తాగడం ప్రతి ఒక్కరికీ అలవాటు. అలాగే, బయటకు వెళ్లినపుడు కాస్తంత రిలీఫ్ కోసం రోడ్ల వెంబడి ఉండే టీ దుకాణాలు, హోటల్స్‌లలో కూడా టీకాఫీలు తాగుతుంటారు. కానీ, భారీ

సాధారణంగా ప్రతి రోజూ నిద్రలేవగానే ఓ మంచి కాఫీ తాగడం ప్రతి ఒక్కరికీ అలవాటు. అలాగే, బయటకు వెళ్లినపుడు కాస్తంత రిలీఫ్ కోసం రోడ్ల వెంబడి ఉండే టీ దుకాణాలు, హోటల్స్‌లలో కూడా టీకాఫీలు తాగుతుంటారు. కానీ, భారీ శబ్దాలు వినబడే ప్రాంతాల్లో కాఫీ తాగడం వల్ల పెను ముప్పు పొంచివునట్టు తాజా పరిశోధనల్లో వెల్లడైంది. 

భారీ శ‌బ్దాలు వ‌చ్చే నిర్మాణ రంగం, పబ్బులు, పేలుళ్లు ఎక్కువ‌గా వినిపించే ప్ర‌దేశాల్లో పనిచేసేవారికి కాఫీ అల‌వాటు ఉంటే వారి చెవులకి ప్ర‌మాదం అధికంగా ఉంటుంద‌ని తేల్చిచెబుతున్నారు. ఆయా ప్ర‌దేశాల్లో ప‌ని చేసేవారికి రెండు మూడు రోజుల వరకూ ఆ శబ్దాలు చెవుల్లో ప్రతిధ్వనిస్తూనే ఉండ‌టం సాధార‌ణ‌మేన‌ని ఇటువంటి స్థితిలో వారు కాఫీ తాగితే వినికిడి శక్తి తగ్గుతుంద‌న్నారు. 

భారీ శబ్దాల వ‌ద్ద ప‌నులు చేసే వారిని రెండు గ్రూపులుగా విభజించి తాము చేసిన ప‌రిశోధ‌న‌ల్లో ఈ అంశం రుజువ‌యిన‌ట్లు వారు చెబుతున్నారు. త‌మ ప‌రిశోధ‌న‌లో భాగంగా ఒక‌ గ్రూపు వారికి పని స్థలంలోనే కాఫీ ఇచ్చి, మ‌రో గ్రూపు వారికి వారి ప‌ని అయిపోయిన కొన్ని గంటల త‌రువాత‌ కాఫీ ఇచ్చారు. అనంతరం ఇరు గ్రూపుల వ్య‌క్తుల వినికిడి శక్తిని పరిశీలించి చూశారు. 

వీరిలో భారీ శబ్దాలు వింటూ కాఫీ తాగిన వారికి చెవుల వినికిడి శక్తి త‌గ్గిన‌ట్లు పరిశోధకులు గుర్తించారు. ప‌ని స‌మ‌యంలో కాఫీ తాగని వ్య‌క్తుల్లో ఇటువంటి లోపం క‌నిపించ‌లేద‌ని వారు పేర్కొన్నారు. అందువల్ల భారీ శబ్దాలను ప్రతిరోజూ చాలా దగ్గరగా వినేవారు ఆ సమయంలో కాఫీ తాగే అల‌వాటుకు గుడ్ బై చెబితే మంచిద‌ని వారు సూచించారు. ఈ పరిశోధనను కెనడాలోని మెక్‌గ్రిల్‌ యూనివర్సిటీ పరిశోధకులు చేశారు.