షుగర్ వ్యాధి లేదా డయాబెటిస్. ఈ వ్యాధిని అదుపులో పెట్టుకోవాలంటే రక్తంలో చక్కెర స్థాయిలను తగ్గించుకోవాలి. ఇలా తగ్గించుకునేందుకు సహజసిద్ధమైన పద్ధతులు వున్నాయి. అవేమిటో తెలుసుకుందాము. వేప ఆకులు మధుమేహానికి సమర్థవంతమైన చికిత్సగా ఉపయోగపడతాయి, ఎందుకంటే అవి ఫ్లేవనాయిడ్ల సంపదను కలిగి ఉంటాయి.
కాకరకాయలో రక్తంలో చక్కెర స్థాయిలను తగ్గించే సామర్థ్యం వుంది, కనుక వాటిని తింటుండాలి. నేరేడు పండులోని హైపోగ్లైసీమిక్ లక్షణాల వల్ల ఇది రక్తంలో చక్కెర స్థాయిలను తగ్గిస్తుంది. అల్లం వినియోగం రక్తంలో చక్కెర స్థాయిలను తగ్గిస్తుంది, ఇన్సులిన్‌ను సమతుల్యం చేస్తుంది.
మెంతులు రక్తంలో చక్కెర స్థాయిలను తగ్గించడానికి, గ్లూకోజ్-ఆధారిత ఇన్సులిన్ విడుదలను ప్రేరేపించడంలో సహాయపడతాయి. పచ్చి శెనగలు, నల్ల శనగలు, పుట్టగొడుగులు, పనీర్, పెసర పప్పు వంటివి డయాబెటిస్‌కు అడ్డుకట్ట వేయగలవు.
గ్లూకోజ్ నియంత్రణలో వ్యాయామం ముఖ్యమైన పాత్ర పోషిస్తుంది. మధుమేహం ఉన్నవారు కనీసం 45 నిమిషాలకు తగ్గకుండా వ్యాయామం చేయాలి.