ఆరోగ్యంగా ఉండాలంటే కోపెన్ హేగెన్ యూనివర్శిటీ పరిశోధకులు రూపొందించిన పర్ఫెక్ట్ డైట్ ఫాలో కావాల్సిందే అంటున్నారు. గోంగూర తింటే ఐరన్ లభిస్తుందని, పాలలో విటమిన్ ఏ, కాల్షియం పుష్కలంగా ఉంటాయ న్యూట్రీషన్లు చెబుతున్నారు. కానీ పర్ఫెక్ట్ డైట్ చార్ట్ను మాత్రం రూపొందించలేకపోయారు. కోపెన్ హేగెన్ యూనివర్శిటీ పరిశోధకులు మాత్రం తాము వరల్డ్ బెస్ట్ డైట్ ఫార్ములా రూపొందించామని చెబుతున్నారు.
వారు చెబుతున్న వివరాలను బట్టి చూస్తే... హై ప్రొటీన్ ఆహారంతో, తక్కువస్థాయిలో కార్బోహైడ్రేట్లు కలిగివుండే ఆహారాన్ని కలిపి తీసుకోవాల్సి ఉంటుంది. తద్వారా మనిషి పరిపూర్ణ ఆరోగ్యవంతుడిగా జీవించ వీలుంటుందని తెలిపారు.
ఈ కాంబినేషన్ అన్ని విధాలా శ్రేయస్కరం అని, శరీరతత్వానికి తగిన విధంగా శక్తి అందుతుందని పేర్కొన్నారు. ఈ బెస్ట్ డైట్లో భాగంగా తాజా కూరగాయలు, చేపలు, పౌల్ట్రీ ఉత్పత్తులు, బఠాణీలు, వేరుశనగలు, డైరీ ఉత్పత్తులు, ధాన్యంతో తయారైన బ్రెడ్, నట్స్, బార్లీ తీసుకోవడం మేలని చెబుతున్నారు. వీటి ద్వారా శరీరానికి అవసరమైన అన్ని పోషకాలు సమపాళ్ళలో అందుతాయట.