మనోళ్లకి కారం లేకుంటే ముద్ద దిగదు. అయితే కారం మాత్రం ఆరోగ్యానికి అంత మంచిది కాదని పరిశోధకులు అంటున్నారు. కారాన్ని పరిమితంగా గాకుండా.. ఎడాపెడా లాగించేశారంటే.. తర్వాతే కష్టాలేనని వారు హెచ్చరిస్తున్నారు.
ఆంధ్ర మిర్చిలో ఘాటు వుంటుందనే అందరికీ తెలిసిందే. అయితే కాశ్మీర్ మిర్చిలో ఘాటుండదు. కానీ ప్రపంచంలో అధిక కారముండే మిరపకాయలు గ్వాలియర్‌లో ఉన్నాయని పరిశోధకులు అంటున్నారు.
అధిక కారంతో తయారైన వంటకాలు ఆరోగ్యంతో పాటు కడుపుకు చేటు కలిగిస్తుందని ఆరోగ్య నిపుణులు హెచ్చరిస్తున్నారు. విదేశాల్లో మిరపకాయలకు బదులు మిరియాలు ఉపయోగిస్తారు.
కానీ మిర్చిని కూరల్లో దంచిపారేసి.. లొట్టలేసుకుని తినడం ద్వారా ఒబిసిటీ తప్పదని పరిశోధకులు అంటున్నారు. కారాన్ని తగ్గిస్తే బరువు తగ్గుతారని వారు సూచిస్తున్నారు.
కారంగా ఉన్న వంటకాలను తీసుకోవడం ద్వారా శరీరంలోని ఉష్ణం అధికమవుతుందని, తద్వారా స్థూలకాయం తప్పట్లేదు. కారం తినేటప్పుడు నీరు అధికంగా సేవించడం చేస్తారు. అలాగే కారాన్ని ఎక్కువగా తీసుకుంటే అంతే ఎక్కువగా ఆకలి ఉంటుందని తద్వారా ఒబిసిటీకి దారితీస్తుంది. కారం మితంగా తీసుకునేవారిలో ఊబకాయం తక్కువే.
మనం తీసుకునే ఆహారంలో ఉప్పు, తీపు, కారం, పులుపు అన్నీ మితంగా ఉంటే ఆరోగ్యానికి ఎలాంటి ఢోకా ఉండదని ఆరోగ్య నిపుణులు అంటున్నారు.