ఈవెనింగ్ స్నాక్స్‌గా నూనె పదార్థాలు, కొవ్వు పదార్థాలు తీసుకోవడం కంటే నట్స్‌ లేదా ఒక యాపిల్.. లేకుంటే ఒక కప్పు టమోటా సూప్ తీసుకుంటే ఒబిసిటీని దూరం చేసుకోవడంతో పాటు ఆరోగ్యంగా ఉంటారని న్యూట్రీషన్లు అంటున్నారు.
చిప్స్, మిక్సర్ వంటి నూనె పదార్థాలు కాకుండా ఈవెనింగ్ స్నాక్స్‌గా ఎలాంటివి తీసుకోవాలంటే..
రోజుకో యాపిల్ తింటే డాక్టర్‌కి దూరంగా ఉండడమే కాక, కాలరీల స్వీకరణ కూడా తగ్గుతుంది. ఒక యాపిల్ కేవలం 100 కేలరీలు కలిగి వుంటుంది. అందుకని కరకరలాడే యాపిల్ కోరికేయండి, ఎందుకంటే దాంట్లో వుండే కరిగే పీచు పదార్ధం వల్ల వాతావరణంలోని కాలుష్య కారకాల నుంచి రక్షణ అందించడంతో పాటు కొలెస్టరాల్‌ను కూడా తగ్గిస్తుంది.
అలాగే వేరుశనగలు చాలా ఆరోగ్యకరమైన, పోషక విలువలున్న చిరుతిండి. కనుక ఓ పదో లేక చిన్న గుప్పెడో వేరుశనగలు తినండి, వాటిలో కేవలం 74 కేలరీలే వుంటాయి. అంతే కాదు, ఇవి తక్కువ గ్లూకోస్ కలిగి వుంటాయి కనుక శక్తిని నెమ్మదిగా విడుదల చేస్తాయి. దాని వల్ల చాలా సేపు కడుపు నిండిన అనుభూతి వుంటుంది.
టమోటా తినడం ఇష్టం లేకపోతే, టమాటో సూప్ తాగండి, ఎందుకంటే అది చాలా తేలిగ్గా తయారు చేయవచ్చు, కేవలం 74 కేలరీలు మాత్రమే ఒక కప్పు టమోటా సూప్ కలిగి వుంటుంది.
కడుపు నిండి, తక్కువ కేలరీలు శరీరానికి అందాలంటే ఈవెనింగ్ స్నాక్స్‌గా 30 ద్రాక్ష పండ్లు తినాలి. ఎందుకంటే అవి రక్తహీనతను, అలసటను, కీళ్ళ నొప్పులను, కీళ్ళ వాతాన్ని, తగ్గించడానికి దోహదం చేస్తాయి, కేవలం 100 కేలరీలు మాత్రమే కలిగి వుంటాయి.
ఇక పుచ్చకాయలు మంచి డైట్ స్నాక్‌గా చెప్పుకోవచ్చు. ఒక పుచ్చకాయలో కేవలం 88 కేలరీలు మాత్రమే వుంటాయి. నీటితో కలిగిన ఈ ఫ్రూట్‌ లో కెలరీలు కలిగివుంటుందని ఆరోగ్య నిపుణులు అంటున్నారు.