ఆరోగ్యంగా ఉండాలంటే శరీరంలో ఫాట్ తగ్గించుకోవాల్సిందేనని వైద్యులు సలహా ఇస్తున్నారు. ఫాట్‌ను తగ్గించుకుని, ఒబిసిటీకి చెక్ పెట్టడం ద్వారా ఆరోగ్యంగా ఉండొచ్చునని వారు సూచిస్తున్నారు. కానీ ఫాట్ తగ్గించేందుకు ఎన్ని ప్రయత్నాలు చేసినా లాభం లేదని బాధపడుతున్నారా.. అయితే ఈ టిప్స్ పాటించండి.
* శరీరంలోని ఫాట్‌ను అదుపులో ఉంచుకునేందుకు గోరువెచ్చగా వేడి చేసిన పదిగ్రాముల పుదీనా రసాన్ని ప్రతి రోజూ ఉదయం పరకడుపున సేవించాలి. దీంతో రక్తపోటు, మధుమేహాన్ని అదుపులో ఉంచుకోవచ్చు.
* అలాగే పాలలో కనీసం మూడు గ్రాముల పసుపుపొడిని కలుపుకుని నిత్యం సేవిస్తుంటే ఫాట్‌ను అదుపులో ఉంచుకోవచ్చు.
* మధుమేహాన్ని అదుపులో ఉంచుకోవాలనుకుంటే ఐదు నుంచి పది గ్రాముల నేరేడు గింజల చూర్ణాన్ని ఉదయం పూట సేవించాలి. కాకారకాయ రసం సేవిస్తే కూడా మధుమేహాన్ని అదుపులో ఉంచుకోవచ్చు.
* హృద్రోగంతో బాధపడేవారికి నిత్యం తక్కువ ఫాట్ కలిగిన ఆహార పదార్థాలు తీసుకోమని వైద్యులు సలహాలు ఇస్తుంటారు. హృద్రోగంతో బాధపడేవారు ఆపిల్, దానిమ్మపండ్ల రసాలు, ఉసిరికాయ తీసుకున్నాకూడా గుండెకు బలాన్ని చేకూరుస్తాయి. వీటిని ఆహారంగా తీసుకుంటే గుండె సక్రమంగా పనిచేస్తుందని వైద్యులు చెపుతున్నారు.