"కెంపు" ధారణతో కలిగే ఫలితాలు

నవగ్రహాధిపతి అయిన సూర్యభగవానుడి స్థాన ప్రభావంతో అనేక సుఖసంతోషాలు కలుగుతాయని జ్యోతిష్య శాస్త్రం అంటోంది. "ఆరోగ్యం భాస్కరాదిచ్చేత" అని శాస్త్రాలు ఏనాడో చెప్పాయి. మానవుడి ఆరోగ్యంపై సూర్యగ్రహం యొక్క ప్రభావం అధికంగా ఉంటుంది. సూర్యగ్రహాధిపత్యంలో ఉన్నకాలంలో కెంపును ధరించడం చాలా ఉత్తమమని రత్నాల శాస్త్రం అంటోంది.

నవరత్నాలలో సూర్యున్ని సూచించే రత్నం కెంపు అని, రాశిఫలాల్లో సూర్యునిది సింహ రాశిగా పరిగణించబడుతోంది. ఇక సింహ లగ్నంలో, సింహ రాశిలో జన్మంచిన వారు కెంపును ధరించవచ్చునని రత్నశాస్త్ర నిపుణులు అంటున్నారు. సూర్యుడు శత్రు స్థానాలలో ఉన్నవారునూ లేదా దుర్భల రాశులలో ఉన్నవారునూ, సూర్యదశ జరుగుతున్నవారు కూడా ఈ కెంపును ధరించవచ్చు.

ఇక కెంపును ధరించడం వలన కలిగే ఫలితాలను పరిశీలిస్తే... నవరత్నాల్లో కెంపు ధరించినట్లయితే సూర్యుని ప్రసన్న దృష్టి కలుగుతుంది. దానికి ఫలితంగా ఆరోగ్యవంతులుగాను, ఉద్యోగంలో పదోన్నతి, రాజకీయాల్లో అధికారం, ఉన్నతాధికారుల అభినందనలు, కుటుంబం క్షేమదాయకంగా ఉంటారని రత్నాల శాస్త్ర నిపుణులు చెబుతున్నారు. అంతేకాకుండా కెంపు ధారణతో కళ్ళకు, గుండెకు సంబంధించిన రోగాల నుంచి నివారణ కలుగుతుంది.