71వ స్వాతంత్ర్య దినోత్సవం... తెలుగుబిడ్డ అమరవీరుడు అల్లూరి....

స్వాతంత్ర్య సమరయోధుల్లో అల్లూరి సీతారామరాజు చేసిన విప్లవోద్యమం బ్రిటీష్ తెల్లదొరలను గడగడలాడించింది. మన్యం వీరునిగా బ్రిటీష్ వారిని ఒంటిచేత్తో వణికించిన అల్లూరిని స్వాతంత్ర్య దినోత్సవం సందర్భంగా గుర్తుచేసుకుందాం. తుపాకులకు బెదరని, చావంటే భయం లేని సాహస

Webdunia
గురువారం, 10 ఆగస్టు 2017 (22:35 IST)
స్వాతంత్ర్య సమరయోధుల్లో అల్లూరి సీతారామరాజు చేసిన విప్లవోద్యమం బ్రిటీష్ తెల్లదొరలను గడగడలాడించింది. మన్యం వీరునిగా బ్రిటీష్ వారిని ఒంటిచేత్తో వణికించిన అల్లూరిని స్వాతంత్ర్య దినోత్సవం సందర్భంగా గుర్తుచేసుకుందాం. తుపాకులకు బెదరని, చావంటే భయం లేని సాహసి అల్లూరి.
 
అగ్గిపిడుగు అల్లూరి స్వతంత్ర సంగ్రామంలో ఎదురొడ్డి పోరాడుతూ ఓ రోజు బ్రిటీష్ సైన్యానికి చిక్కాడు. మేజర్ గుడాల్ తుపాకీ అల్లూరిపై గురిపెట్టాడు. తుపాకీ నుంచి దూసుకొచ్చిన బుల్లెట్ అల్లూరి పాదంలో దిగింది. ఆ తూటాను రామరాజు చూడలేదు. ఆ గాయం నుండి వచ్చే రక్తాన్ని కూడా పట్టించుకోలేదు. బాధను లెక్కచేయకుండా గుడాల్‌నే చూస్తూ గంభీరంగా 'వందేమాతరం' అంటూ పలుకుతూనే ఉన్నాడు. గుడాల్ నిర్విరామంగా రామరాజును కాల్చుతూనే ఉన్నాడు. 
 
మోకాళ్ళు దాటిన తూటాల గాయాలు తొడలను తొలుచుకుంటూ వెళ్ళసాగాయి. గుడాల్‌కు తనివితీరలేదు. కోపాగ్ని చల్లారలేదు. నరరూప రాక్షసునిగా గుడాల్ వ్యవహరించసాగాడు. రామరాజు శరీరం అంతా చిన్నాభిన్నమయింది. గుడాల్ తుపాకి రామరాజు నాభికి అభిముఖంగా గురి పెట్టబడి ఉంది. ట్రిగ్గర్ మీద వేలు నొక్కేందుకు సిద్ధంగా వుంది.
 
రామరాజు గొంతు ఖంగుమంది. 'గుడాల్.. చంపదల్చుకుంటే, ఇదుగో యిక్కడ కాల్చు' అని గుండెను చూపాడు రామరాజు. గుడాల్ చేతిలోని తుపాకీ రామరాజు నాభి నుండి పైకి గురి పెట్టబడింది. చేతిలోని తుపాకీ పేలింది. అగ్ని గోళంలాంటీ తూటా వెలువడింది. రామరాజు గుండెను చీల్చుకొని పోయింది. రామరాజు ప్రాణాలు అనంతవాయువుల్లో లీనమైపోయాయి. విప్లవవీరుని తల ఒరిగిపోయింది. 
 
"విప్లవం నా జన్మహక్కు" అని తెలుగు గడ్డపై గర్జించిన వీరుడు అల్లూరి సీతారామరాజు. గురి తప్పిన అధికారికి గుండెలు చూపి కాల్చమన్న వీరాధి వీరుడు రామరాజు. 27 సంవత్సరాల వయసులోనే దేశంకోసం ప్రాణాలర్పించిన రామరాజు చరిత్ర అమరచరిత్రగా నిలిచిపోతుంది. భారత స్వాతంత్రోద్యమం చరిత్రలోనే రామరాజు తిరుగుబాటు మహోజ్వల ఘట్టం. తెలుగు బిడ్డ అల్లూరికి జోహార్....
అన్నీ చూడండి

టాలీవుడ్ లేటెస్ట్

Boyapati Srinu: ఇక్కడ కులాలు లేవు మతాలు లేవు. ఉన్నదంతా మంచి చెప్పడమే : బోయపాటి శ్రీను

Balakrishna:చరిత్రని సృష్టించేవాడు ఒకడే ఉంటాడు. నేనే ఈ చరిత్ర: నందమూరి బాలకృష్ణ

మరో 100 జన్మలైనా.. రజనీకాంత్‌లాగే పుట్టాలనుకుంటున్నా... తలైవర్ భావోద్వేగం

Akhil Raj: అఖిల్ రాజ్ హీరోగా సతీష్ గోగాడ దర్శకత్వంలో అర్జునుడి గీతోపదేశం

Raashi Singh: త్రీ రోజెస్ సీజన్ 2 నుంచి లైఫ్ ఈజ్ ఎ గేమ్.. లిరికల్ సాంగ్

అన్నీ చూడండి

ఆరోగ్యం ఇంకా...

Ginger Pachhadi: శీతాకాలం.. అల్లం పచ్చడితో ఆరోగ్యానికి ఎంత మేలో తెలుసా?

జుట్టుకు మేలు చేసే ఉల్లిపాయ నూనె.. మసాజ్ చేస్తే అవన్నీ పరార్

శీతాకాలంలో లవంగం దగ్గర పెట్టుకోండి, బాగా పనికొస్తుంది

winter tips, వెల్లుల్లిని ఇలా చేసి తింటే?

కాలిఫోర్నియా బాదంతో రెండు సూపర్‌ఫుడ్ రెసిపీలతో శీతాకాలపు ఆరోగ్యం ప్రారంభం

తర్వాతి కథనం
Show comments