రష్యా వేదికగా జరుగుతున్న ఫిఫా ఫుట్ బాల్ వరల్డ్ కప్ పోటీల్లో భాగంగా గ్రూపు హెచ్‌ విభాగంలో ఆదివారం జరిగిన పోటీల్లో పోలాండ్‌పై కొలంబియా జట్టు విజయం సాధించింది. కీలకమైన మ్యాచ్‌లో పోలాండ్ ఓడిపోవడంతో ఆ టీమ్
రష్యా వేదికగా జరుగుతున్న ఫిఫా ఫుట్ బాల్ వరల్డ్ కప్ పోటీల్లో భాగంగా గ్రూపు హెచ్‌ విభాగంలో ఆదివారం జరిగిన పోటీల్లో పోలాండ్‌పై కొలంబియా జట్టు విజయం సాధించింది. కీలకమైన మ్యాచ్‌లో పోలాండ్ ఓడిపోవడంతో ఆ టీమ్ క్వార్టర్స్‌కు అర్హత సాధించే అవకాశాన్ని చేజార్చుకుంది. ఆసక్తికరంగా జరిగిన మ్యాచ్‌లో కొలంబియా 3-1 తేడా గోల్స్‌తో విక్టరీ నమోదు చేసింది.
గ్రూప్‌లోని మొదటి మ్యాచ్‌లో జపాన్ చేతిలో అనూహ్య ఓటమిని ఎదుర్కొన్న కొలంబియా ఈ మ్యాచ్‌లో సత్తా చాటింది. ఈ మ్యాచ్‌లో కొలంబియా ఆటగాళ్లు మీనా (40వ నిమిషం), ఫాల్కో(70వ నిమిషం), జు కాడ్రాడో(75వ నిమిషం)లు గోల్స్ చేశారు. ఈ టోర్నీలో పోలాండ్ ఆటతీరు నిరాశను నింపింది. సెనెగల్‌తో ఓపెనింగ్ మ్యాచ్‌లో ఓడిన పోలాండ్ ఈ మ్యాచ్‌లోనూ అదే తరహా ప్రదర్శన కనబరిచింది.
కాగా, గ్రూప్ 'హెచ్‌'లో జపాన్, సెనెగల్ నాలుగేసి పాయింట్లతో ముందంజలో ఉన్నాయి. కొలంబియాకు మూడు పాయింట్లు ఉన్నాయి. కొలంబియా తన చివరి మ్యాచ్‌ను సెనెగల్‌తో ఆడుతుంది. ఒకవేళ ఆ మ్యాచ్‌లో గెలిస్తే, ఆ జట్టు క్వార్టర్స్‌కు అర్హత సాధిస్తుంది. లేనిపక్షంలో టోర్నీ నుంచి నిష్క్రమించాల్సి ఉంటుంది.