హెల్దీ బ్రేక్ ఫాస్ట్ : వెజిటబుల్ కట్‌‌లెట్!

హెల్దీ బ్రేక్ ఫాస్ట్ తీసుకోవాలా? అయితే తాజా కాయగూరలతో వెజిటబుల్ కట్‌‌లెట్ ట్రై చేయండి. కాయగూరల్లో ఆంటియాక్సిడెంట్లు, వ్యాధినిరోధక శక్తి పుష్కలంగా ఉండటంతో బరువును నియంత్రిస్తాయి. అంతేగాకుండా ఒబిసిటీని దూరం చేస్తాయి. అందుచేత కూరగాయలతో కట్‌లెట్స్ ఎలా చేయాలో చూద్దాం.

కావలసిన పదార్థాలు : 

బంగాళాదుంపలు : మూడు 

ఉడికించిన క్యారెట్, బఠాణీలు, పనీర్, ఉల్లిపాయలు : తలా అరకప్పు 

బ్రెడ్ పొడి : ఒకటిన్నర కప్పు

కొత్తిమీర తరుగు, పచ్చిమిర్చి తరుగు: ఒక టీస్పూన్ 

గరంమసాలా : అర టీస్పూన్ 

అల్లం, వెల్లుల్లి పేస్ట్ : చెరో స్పూన్ 

ఉప్పు, నూనె : తగినంత 

తయారీ విధానం: 

ఉడికించిన బంగాళాదుంపలు, బఠాణీలు, క్యారెట్లను చిదమాలి. పనీర్ వేసి బాగా కలియబెట్టాలి. మూకుడు వేడిచేసి ఒక టేబుల్ స్పూన్ నూనె వేసి ఉల్లిపాయల్ని దోరగా వేయించాలి. మసాలా దినుసుల్ని కలిపి, పచ్చిమిర్చి తరుగును వేసి కలుపుకోవాలి. ఈ మిశ్రమాన్ని బంగాళాదుంపలకు చేర్చాలి. అరకప్పు బ్రెడ్‌‍పొడి వేసి బాగా కలిపి, అరచేతిలో ఫ్లాట్‌గా నొక్కుకోవాలి. మిగతా బ్రెడ్ పొడిలో అద్ది కట్‌లెట్‌ను అద్ది.. రెండు వైపులా వేడిచేసిన నూనెలో దోరగా వేయించుకుని టమోటా సాస్‌తో సర్వ్ చేస్తే వెజ్ కట్ లేట్ రెడీ.