గోధుమపిండితో ఎగ్ స్టఫ్డ్ పరోటా ఎలా చేయాలో చూద్దాం..

ముందుగా ఓ గిన్నెలో ఉడికించిన కోడిగుడ్లను సన్నగా తురుముకోవాలి. అందులో మిరియాలపొడి, కొత్తిమీర తురుము, ఉప్పు వేసి కలపాలి. మరో పాత్రలో గోధుమపిండి, ఉప్పు, టేబుల్‌స్పూను నెయ్యి, తగినన్ని నీళ్లు పోసి కలిపి స

గోధుమలు, కోడిగుడ్లలో పోషకాలు పుష్కలంగా ఉన్నాయి. వీటిని ఆహారంలో చేర్చుకోవడం ద్వారా బరువు తగ్గొచ్చు. రోజూ అల్పాహారంగా కోడిగుడ్డును తీసుకోవడంతో పాటు.. గోధుమ రొట్టెలను మితంగా తీసుకోవడం ద్వారా ఒబిసిటీని దూరం చేసుకోవచ్చు. ఈ రెండింటి కాంబోలో వీట్ ఎగ్ స్టఫ్డ్ పరోటా ఎలా చేయాలో చూద్దాం.. 

కావలసిన పదార్థాలు :

ఉడికించిన కోడిగుడ్లు : ఆరు,

గోధుమపిండి: పావుకిలో,

మిరియాలపొడి: టీస్పూను, 

కొత్తిమీర తురుము: అరకప్పు

నూనె లేదా నెయ్యి: వేయించడానికి సరిపడా

ఉప్పు : తగినంత 

తయారీ విధానం : 

ముందుగా ఓ గిన్నెలో ఉడికించిన కోడిగుడ్లను సన్నగా తురుముకోవాలి. అందులో మిరియాలపొడి, కొత్తిమీర తురుము, ఉప్పు వేసి కలపాలి. మరో పాత్రలో గోధుమపిండి, ఉప్పు, టేబుల్‌స్పూను నెయ్యి, తగినన్ని నీళ్లు పోసి కలిపి సుమారు పావుగంటసేపు నాననివ్వాలి. ఇప్పుడు పిండి ముద్దను చపాతీల్లా వత్తుకోవాలి. తరవాత అందులో గుడ్డుమిశ్రమాన్ని పెట్టి అంచులు మూసేసి మళ్లీ చపాతీలా వత్తి పెనంమీద నెయ్యి లేదా వెన్న వేస్తూ రెండువైపులా కాల్చి తీయాలి. అంతే వీట్ ఎగ్ స్టఫ్డ్ పరోటా రెడీ అయినట్లే. ఈ ఎగ్ పరోటాలను గ్రీన్ చట్నీ లేదా చికెన్ కుర్మాతో సర్వ్ చేస్తే టేస్ట్ అదిరిపోతుంది.