వామ్మో... వద్దు బాబోయ్ ట్రంప్... అమెరికాలో మున్నెన్నడూ లేని భయం ఎందుకు?

డోనాల్డ్ ట్రంప్ అధ్యక్షుడిగా ఎన్నికైన దగ్గర్నుంచి అమెరికాలో నిరసన జ్వాలలు రగులుతూనే వున్నాయి. జనవరి 20, శుక్రవారం నాడు ఆయన అధ్యక్ష పదవీబాధ్యతలు చేపట్టబోతున్నారు. ఈ నేపధ్యంలో ఆయన ప్రమాణ స్వీకారోత్సవాన్ని బహిష్కరించాలంటూ పలు సంస్థలు పిలుపునివ్వడం చర్చన

డోనాల్డ్ ట్రంప్ అధ్యక్షుడిగా ఎన్నికైన దగ్గర్నుంచి అమెరికాలో నిరసన జ్వాలలు రగులుతూనే వున్నాయి. జనవరి 20, శుక్రవారం నాడు ఆయన అధ్యక్ష పదవీబాధ్యతలు చేపట్టబోతున్నారు. ఈ నేపధ్యంలో ఆయన ప్రమాణ స్వీకారోత్సవాన్ని బహిష్కరించాలంటూ పలు సంస్థలు పిలుపునివ్వడం చర్చనీయాంశంగా మారింది. జనవరి 20న ట్రంప్ ప్రమాణాన్ని వ్యతిరేకిస్తూ ధర్నా చేయాలని డిజరప్ట్‌ జె 20, బ్లాక్‌ లైవ్స్‌ మేటర్‌ తదితర సంస్థలతోపాటు పలు మానవ హక్కుల గ్రూపులు భావించడంతో ప్రపంచ దేశాలన్నీ ఆసక్తిగా గమనిస్తున్నాయి. 

ట్రంప్ మరో రెండు రోజుల్లో అధ్యక్ష పీఠాన్ని అధిరోహించనుండగా ఆయన ప్రమాణస్వీకారాన్ని బహిష్కరించాలనుకునే వారి సంఖ్య క్రమంగా పెరుగుతోంది. కాగా డెమోక్రాట్‌ సభ్యుడు లూయిస్‌తో సహా మరో 20 మందికి పైగా కాంగ్రెస్‌ సభ్యులు శుక్రవారం జరుగబోయే ట్రంప్ ప్రమాణస్వీకార కార్యక్రమాన్ని బహిష్కరించాలని తీర్మానించారు. దీనిపై ఉపాధ్యక్షుడిగా బాధ్యతలు చేపట్టనున్న మైక్‌పెన్స్ తీవ్ర అసహనం వ్యక్తం చేశారు. అమెరికా పరువును బజారున పడవేయవద్దని విజ్ఞప్తి చేశారు. 

మరోవైపు నగరంలోనే కాకుండా దేశ వ్యాప్తంగా ట్రంప్ అమెరికా అధ్యక్షుడిగా వుండటంపై తిరుగుబాటు లేవనెత్తుతామని ఆందోళనలో పాల్గొనబోయే సంస్థలు ప్రకటిస్తున్నాయి. ట్రంప్ అమెరికా అధ్యక్షుడిగా పనికిరారనీ, ఆయన దానికి అనర్హులంటూ వారు వాదిస్తున్నారు. కాగా గతంలో ట్రంప్ చేసిన ఘాటు వ్యాఖ్యలు, ఆయన వ్యవహార శైలితో కూడిన వీడియోలను వారు ప్రదర్శిస్తున్నారు.