తెలంగాణ రాష్ట్రంలో ఉన్న పవిత్ర పుణ్యక్షేత్రాల్లో యాదగిరి గుట్ట ఒకటి. దీని మరో తిరుమల చేస్తానని ఆ రాష్ట్ర ముఖ్యమంత్రి కె.చంద్రశేఖర్ రావు ప్రకటించారు. ఆ దిశగా ఆ రాష్ట్ర దేవాదాయ శాఖ అధికారులు చర్యలు కూడా చేపట్టారు. ఈ చర్యల్లో భాగంగా ఈ యాదగిరిగుట్ట వ్యభిచారం కేంద్రంగా ఉందనే పచ్చినిజం వెలుగులోకి వచ్చింది.
ఈ గుట్టలో అనేక మంది మహిళలు దశాబ్దకాలంగా పడువు వృత్తిలో మగ్గుతున్నట్టు బహిర్గతమైంది. ఇది ప్రభుత్వాన్ని కలవరపెడుతోంది. కొత్తగా ఏర్పడిన ప్రభుత్వమైనా తమను ఆదుకుంటుందేమోనని వందలాది కళ్లు ఆశగా ఎదురుచూస్తున్నాయి. యాదగిరిగుట్టలో చాలా కుటుంబాలు ఈ వృత్తిలో కొనసాగుతున్నాయి.
తాజాగా 26 సంవత్సరాల ఓ సెక్స్ వర్కర్‌ తాము పడుతున్న కష్టాలను పూసగుచ్చినట్టు వివరించింది. ఆ మాటలు వింటే మనసున్న ప్రతీ ఒక్కరి చేత కంటతడి పెట్టిస్తున్నాయి. 'మా తల్లి కూడా ఈ వృత్తిలోనే కొనసాగుతోంది. ఆమె ఇప్పుడు అనారోగ్యంతో బాధపడుతోంది. ఆమె కూతురిగా నాకు ఎవరూ ఏ పని ఇవ్వడం లేదు. చివరికి గత్యంతరం లేక నేనూ ఈ చీకట్లోకే రావాల్సొచ్చింది. అమ్మ అనారోగ్యం నుంచి బయటపడటానికి... అప్పులు తీర్చడానికి నాకు ఇదొక్కటే దారి. యాదగిరిగుట్టలో దాదాపు 112 కుటుంబాలు ఈ వృత్తిలోనే కొనసాగుతున్నాయనీ, ఒక్కొక్కరిదీ ఒక్కో దీనగాథ అని చెప్పారు.
ఇదిలావుండగా, హైదరాబాద్ నగరంలోని సైదాబాద్ కాలనీలో గుట్టు చప్పుడుగా సాగిస్తున్న వ్యభిచారం తంతును పోలీసులు కనుగొన్నారు. దీనికి సంబంధం ఉన్న 9 మందిని అరెస్ట్ చేసిన సైదాబాద్ పోలీసులు నిందితులపై కేసు నమోదు చేశారు. స్థానికులు అప్రమత్తంగా ఉండాలని, ఇంటి యజమానులు పూర్తి వివరాలు తెలుసుకున్న తర్వాతే కిరాయికి ఇవ్వాలని పోలీసులు సూచించారు.