ఏపీ సీఎం చంద్రబాబుకు తాను చూసి ఎదిగిన కేసీఆర్తో తలనొప్పి తప్పట్లేదు. తన పార్టీ నుంచి ప్రత్యేక పార్టీ పెట్టి సీఎం స్థాయికి ఎదిగిన కేసీఆర్తో ఎలా వేగాలో ఏపీ సీఎం చంద్రబాబు ఏమాత్రం అర్థం కావట్లేదు. పాపం చంద్రబాబు నాయుడు మంచికి వెళ్తే చెడు ఎదురవుతుంది. ఆయన ప్రమేయం లేకుండానే తెలంగాణలో విలన్గా మారిపోతున్నారు.
ఆంధ్రప్రదేశ్కు ముఖ్యమంత్రిగా ఎన్నికైన ఆనందంలో ఉన్న బాబును తెలంగాణ ముఖ్యమంత్రి ధర్మసంకటంలో పడేస్తున్నారు. ఏపీలో ఎలాగూ అధికారంలోనే ఉన్నాం కనుక తెలంగాణ ప్రజలను కూడా మచ్చిక చేసుకుందామని ఎంత సర్ధుకుపోదామనుకున్నా, కేసీఆర్ ఆయన ఆటలు సాగనివ్వడం లేదు.
గతంలో రాష్ట్రపతి పర్యటన సందర్భంగా తనతో కరచాలనం చేసిన చంద్రబాబును మరుసటి రోజే కేసీఆర్ విమర్శలతో ఉక్కిరిబిక్కిరి చేశారు. కేంద్రంతో కలిసి పుల్లలు పెడుతున్నాడని ఆరోపించారు. తాజాగా బీజేపీ నేత దత్తాత్రేయ నిర్విహించిన అలయ్ బలయ్ కార్యక్రమానికి హాజరైన కేసీఆర్, చంద్రబాబు ముఖంపై నవ్వు పులుముకుని తప్పనిసరి పరిస్థితుల్లో ఆలింగనం చేసుకున్నారు.
అయితే, కాసేపటికే చంద్రబాబు ఓ కర్కోటకుడంటూ కేసీఆర్ విమర్శల వర్షం కురిపించారు. దీంతో చంద్రబాబు కేసీఆర్ ఏం మనిషిరా బాబూ.. ఈయనతో ఎలా వేగాలబ్బా అంటూ తలపట్టుకుంటున్నారు. మరి కేసీఆర్ను చంద్రబాబు ఎలా ఎదుర్కొంటారో వేచి చూడాలి.