లార్డ్స్‌లో జరుగుతున్న యాషెస్ సిరీస్ రెండో టెస్ట్ మ్యాచ్‌లో టాస్ గెలిచిన ఇంగ్లండ్ కెప్టెన్ ఆండ్ర్యూ స్ట్రాస్ బ్యాటింగ్ ఎంచుకున్నాడు. కార్డిఫ్‌లో జరిగిన సిరీస్ తొలి మ్యాచ్ డ్రాగా ముగిసిన సంగతి తెలిసిందే. ఇంగ్లండ్, ఆస్ట్రేలియా జట్ల మధ్య జరిగే ఈ సంప్రదాయ సమరాన్ని ఇరుదేశాలు ప్రతిష్టాత్మకంగా భావిస్తాయి.
లార్డ్స్‌లో ఘనమైన చరిత్ర కలిగిన ఆస్ట్రేలియాను మట్టికరిపించేందుకు ఇంగ్లండ్ ప్రతిసారీ శాయశక్తులా పోరాడుతూనే ఉంది. అయితే 1934 నుంచి ఆస్ట్రేలియా ఈ మైదానంలో ఓటమి అంటే తెలియనట్లు ఆడింది. తాజా యాషెస్ సిరీస్‌లోనూ దీనిని కొనసాగిస్తామని ఆస్ట్రేలియా కెప్టెన్ రికీ పాంటింగ్ ధీమాగా చెప్పాడు.