చెన్నై చిన్నది త్రిషకు సినిమాల్లో అవకాశాలు రాకపోయినా క్రేజ్ సంపాదించుకుంటుంది. ఏకంగా భారత్ కెప్టెన్ ధోని చేత ప్రశంసలు అందుకుంది ఈ ముద్దుగుమ్మ. అస‌లు విష‌యం ఏమిటంటే... త్రిషకి మూగ జీవాలంటే చాలా ఇష్టం. ఇంట్లో కుక్కల్ని, పిల్లుల్ని పెంచుతుంటుంది. వాటిని కంటికి రెప్పలా చూసుకొంటూ హాయిగా గ‌డిపేస్తోంది.
ఇటీవ‌ల ట్విట్టర్‌ని వేదిక‌గా చేసుకొని ఏవైనా అనాథ కుక్కపిల్లలు రోడ్లపై క‌నిపిస్తే వాటిని చేర‌దీయండి. ఇంట్లో పెంచుకోండి అంటూ స‌ల‌హాలు ఇచ్చింది. అది ధోని, ఆయ‌న భార్య సాక్షి చూసి చాలా ముచ్చట‌ప‌డ్డారు. రోడ్డుపై ఓ కుక్కపిల్ల అరుస్తూ వెళుతుంటే ఆ కుక్కపిల్లని ఇంట్లో పెంచుకొని మూగ‌జీవాల ప‌ట్ల ప్రేమ‌ను ప్రద‌ర్శించారు. త్రిష చేస్తున్న కృషి అభినందనీయం అని ధోని ట్విట్టర్‌లో త్రిషని ప్రశంసించాడు.