మోడీగారిని పెళ్లికి ఆహ్వానించిన యువరాజ్ సింగ్.. 30వ తేదీ అట్టహాసంగా వివాహం

టీమిండియా స్టార్ క్రికెటర్ యువరాజ్ సింగ్ పెళ్లి అంత అట్టహాసంగా జరిగేట్లు లేదు. యువరాజ్ సింగ్ సహచరులంతా ఆడంబరంగా వివాహం చేసుకుంటే.. యువరాజ్ సింగ్‌ను పెద్ద నోట్ల రద్దు కష్టాల్లో ముంచింది. పెళ్లి కోసం రూ

టీమిండియా స్టార్ క్రికెటర్ యువరాజ్ సింగ్ పెళ్లి అంత అట్టహాసంగా జరిగేట్లు లేదు. యువరాజ్ సింగ్ సహచరులంతా ఆడంబరంగా వివాహం చేసుకుంటే.. యువరాజ్ సింగ్‌ను పెద్ద నోట్ల రద్దు కష్టాల్లో ముంచింది. పెళ్లి కోసం రూ.2.5లక్షల్ని చేతబెట్టుకుని మిగిలిన వ్యవహారాలంతా కార్డుల్లో కానిచ్చేసినా చేతికి తగినంత డబ్బులేక యువీ పెళ్లి సో.. సోగా జరిగిపోనుందని క్రికెట్ పండితులు అంటున్నారు. 

అయితే యువీ పెళ్లి అట్టహాసంగా జరుగుతుందని ఆతని కుటుంబీకులు అంటున్నారు. కాగా తన పెళ్లికి రావాలంటూ ప్రధాని మోడీని ఆహ్వానించారు యువరాజ్ సింగ్. ప్రధానికి ఆహ్వానం అందజేసేందుకు ఇవాళ పార్లమెంటుకు వచ్చిన యువరాజ్ వివాహానికి తప్పకుండా రావాలని ఆహ్వానించారు. యువరాజ్‌తో అతని తల్లి షబ్నంసింగ్ కూడా ఉన్నారు. ఈ నెల 30వ తేదీ గురుద్వారాలో సిక్కు సంప్రదాయం ప్రకారం యువరాజ్ సింగ్ వివాహం జరుగనుంది. 

డిసెంబర్ 2వ తేదీన గోవాలో హిందూ సంప్రదాయం ప్రకారం వివాహ వేడుక జరుగనుంది. మోడల్ హజల్ కీచ్‌తో ప్రేమలో ఉన్న యువీ.. ఇరు కుటుంబాల అంగీకరంతో పెళ్లి చేసుకుంటున్నాడు. ఢిల్లీలో ఐదో తేదీన రిసెప్షన్ ఉంటుంది. ఇంకా.. 7వ తేదీన చతర్ పూర్ లోని ఫామ్ హౌస్‌లో పార్టీ ఏర్పాటు చేశారు. ఈ నేపథ్యంలో ప్రధానితో పాటు పలువురు మంత్రులు, ఇతర నాయకులను పెళ్లికి ఆహ్వానించారు. రాజకీయ ప్రముఖులు, సినీ తారలు, క్రికెటర్లు, ఇతర రంగాలకు చెందిన ప్రముఖులు హాజరయ్యే ఈ పెళ్లిపై నోట్ల రద్దు ఎఫెక్ట్ కూడా ఉందని తెలుస్తోంది.