మూడు వన్డేల సిరీస్‌లో భాగంగా ఇక్కడ శ్రీలంకతో ధర్మశాల వేదికగా జరుగుతున్న తొలి వన్డేలో భారత క్రికెట్ జట్టు కేవలం 112 పరుగులకే ఆలౌటైంది. ఈ మ్యాచ్‌లో ఎంఎస్‌ ధోని(65; 87 బంతుల్లో 10 ఫోర్లు, 2 సిక్సర్లు) బాధ్యతాయుత ఇన్నింగ్స్‌ ఆడటంతో టీమిండియా అత్యల్ప స్కోరు బారిన పడకుండా పరువు నిలుపుకుంది.
భారత క్రికెట్ జట్టు చరిత్రను ఓసారి తిరగేస్తే వన్డేల్లో అత్యల్ప స్కోరు 54(శ్రీలంకపై), కాగా స్వదేశంలో టీమిండియా అత్యల్ప స్కోరు 78(శ్రీలంకపై)గా ఉంది. తాజా స్కోరు భారత్‌కు 14వ అత్యల్పస్కోరుగా రికార్డు పుస్తకాల్లోకెక్కింది.
కాగా, ధర్మశాల వన్డే మ్యాచ్‌లో భారత్ 112 పరుగులకు ఆలౌట్ అయింది. ఈ మ్యాచ్‌లో తొలుత బ్యాటింగ్ చేసిన భారత్ 29 పరుగులకే ఏడు వికెట్లు కోల్పోయి పీకల్లోతు కష్టాల్లో పడింది. ఆ సమయంలో క్రీజ్‌లోకి వచ్చిన ధోనీ మరోమారు ఆపద్బాంధవుని పాత్ర పోషించాడు. 78 బంతుల్లో 8 ఫోర్లు, 1 సిక్సర్‌ సాయంతో హాఫ్‌ సెంచరీ సాధించి పరువు నిలిపాడు.
హాఫ్‌ సెంచరీ పూర్తి చేసుకున్న ధోనీ.. ఆపై మరొక సిక్సర్‌, మరొక ఫోర్‌ కొట్టడంతో భారత జట్టు వంద పరుగులు దాటింది. ధోని సొగసైన ఇన్నింగ్స్‌తో ఇప్పటివరకు భారత పేరిట ఉన్న ఓవరాల్‌ అత్యల్ప స్కోరు 54 పరుగుల నుంచి టీమిండియా గట్టెక్కింది. ఇదిలావుంచితే, వన్డేల్లో టీమిండియా టాప్‌-10 అత్యల్ప స్కోర్లు వివరాలు ఇలా ఉన్నాయి.
1. స్కోరు(54)-ఓవర్లు(26.3 ఓవర్లు)- ప్రత్యర్థి శ్రీలంక- వేదిక షార్జా-తేదీ 29/10/2000
2. స్కోరు(63)-ఓవర్లు(25.5)-ప్రత్యర్థి ఆస్ట్రేలియా-వేదిక సిడ్నీ- తేదీ 08/01/81
3. స్కోరు(78)-ఓవర్లు(24.1)- ప్రత్యర్థి శ్రీలంక-వేదిక కాన్పూర్‌-తేదీ 24/12/86
4. స్కోరు(79)-ఓవర్లు(34.2)-ప్రత్యర్థి పాకిస్తాన్‌- వేదిక సియాకాట్‌-తేదీ 13/10/78
5. స్కోరు(88)- ఓవర్లు(29.3)- ప్రత్యర్థి న్యూజిలాండ్‌- వేదిక దంబుల్లా- తేదీ 10/08/10
6. స్కోరు(91)- ఓవర్లు(29.1.)- ప్రత్యర్థి దక్షిణాఫ్రికా- వేదిక డర్బన్‌-తేదీ 22/11/06
7.స్కోరు(100)- ఓవర్లు(36.3)-ప్రత్యర్థి ఆస్ట్రేలియా-వేదిక సిడ్నీ- తేదీ 14/01/2000