ట్వంటీ-20 ప్రపంచ కప్‌లో జింబాబ్వే కొత్త చరిత్ర.. 15ఏళ్లలో..?

zimbabwe

ట్వంటీ-20 ప్రపంచ కప్‌లో జింబాబ్వే కొత్త చరిత్ర సృష్టించింది. మెగాటోర్నీ ఆరంభమైన 15 ఏళ్లలో జింబాబ్వే తొలిసారి సూపర్‌-12 స్టేజ్‌లో అడుగుపెట్టింది. అతిపెద్ద ఘనత సాధించింది. ఎందుకంటే జింబాబ్వే సరైన క్రికెట్‌ ఆడి దశాబ్దంన్నర గడిచిపోయింది. 

ఈ దశాబ్దంన్నరలో జింబాబ్వే జట్టు ఆర్ధిక సంక్షోభంతో కొట్టుమిట్టాడింది. ఎంతలా అంటే క్రికెటర్లకు కనీసం షూస్‌, జీతాలు చెల్లించలేని పరిస్థితి. అలాంటి స్థితి నుంచి ఇవాళ అందరూ మెచ్చుకునే స్థాయికి ఎదిగింది. ఈ మధ్య కాలంలో చూసుకుంటే జింబాబ్వే క్రికెట్లో పునర్వైభవం స్పష్టంగా కనిపిస్తోంది. 

బంగ్లాదేశ్‌ను ఓడించిన జింబాబ్వే.. ఆ తర్వాత టీమిండియాకు చెమటలు పట్టించింది. టి20 ప్రపంచకప్‌ ఆరంభమైన నాటి నుంచి జింబాబ్వే క్వాలిఫయింగ్‌ పోరులోనే వెనుదిరుగుతూ వస్తుంది. 2007, 2010, 2012, 201,2016 వరల్డ్‌కప్‌లు ఆడిన జింబాబ్వే గ్రూఫ్‌ దశకే పరిమితమైంది. 

తాజాగా టి20 ప్రపంచకప్‌ క్వాలిఫయింగ్‌ పోరులో ప్రస్తుతం ఒక్క ఓటమి కూడా లేకుండా గ్రూఫ్‌ టాపర్‌గా నిలిచింది. సగర్వంగా సూపర్‌-12లో అడుగుపెట్టింది. 

ఇండియా, పాకిస్తాన్‌, బంగ్లాదేశ్‌, నెదర్లాండ్స్‌ లాంటి జట్లున్న గ్రూఫ్‌-2లో ఉన్న జింబాబ్వేను తక్కువ అంచనా వేస్తే మొదటికే మోసం వచ్చే అవకాశం ఉంది. ఇక జింబాబ్వే తొలిసారి టి20 ప్రపంచకప్‌లో సూపర్‌-12కు అర్హత సాధించడంపై క్రికెట్‌ ఫ్యాన్స్‌ హర్షం వ్యక్తం చేస్తున్నారు.