భారత జట్టుకు హెడ్ కోచ్‌గా సౌరవ్ గంగూలీ వస్తే మాత్రం.. మహత్తరంగా రాణిస్తాడని ఆస్ట్రేలియా మాజీ పేసర్ బ్రెట్ లీ అన్నాడు. డంకన్ ఫ్లెచర్ నిష్క్రమణ తర్వాత టీమిండియా కోచ్ పదవి ఎవరిని వరిస్తుందన్న దానిపై సర్వత్రా ఆసక్తి నెలకొంది. ఈ నేపథ్యంలో భారత క్రికెట్ వర్గాల్లో మాత్రం కోచ్‌గా సౌరవ్ గంగూలీ అయితే మేలన్న అభిప్రాయం వినిపిస్తోంది. ఇదే అభిప్రాయాన్ని ఆసీస్ మాజీ పేసర్ బ్రెట్ లీ వెలిబుచ్చాడు.
భారత జట్టుకు హెడ్ కోచ్‌గా గంగూలీ వస్తే మాత్రం, మహత్తరంగా రాణిస్తాడని కితాబిచ్చాడు. సౌరవ్ గంగూలీ క్రికెట్ పరిజ్ఞానం అపారమైనదని, అన్ని ఫార్మాట్లలోనూ ఆడిన అనుభవం అతడి సొంతమని పేర్కొన్నాడు. కోచ్‌గా సరైన సమతుల్యత కలిగి ఉండడం అత్యంత ప్రధానమన్నాడు.