రాహుల్ ద్రవిడ్ కంటే మంచి కోచ్ ఎక్కడ వెతికినా దొరకడు: రికీ పాంటింగ్

టీమిండియా క్రికెట్ జట్టుకు కోచ్‌గా రాహుల్ ద్రవిడ్ కంటే మంచి కోచ్‌ను బీసీసీఐ వెతకగలదని తాను అనుకోవట్లేదని.. ఆ పదవిపై అతడు ఆసక్తి కనబరిస్తే అద్భుతంగా పనిచేయగలడని ఆస్ట్రేలియా మాజీ కెప్టెన్, ముంబై ఇండియన్స్ హెడ్ కోచ్ రికీ పాంటింగ్ పేర్కొన్నాడు.

ద్రవిడ్ చాలా ప్రతిభగల వాడని, అనుభవశాలి అంటూ కితాబిచ్చాడు. ఐపీఎల్‌కు ఆతనితో కలిసి పనిచేశాడు కాబట్టి మూడు ఫార్మాట్లనూ అర్థం చేసుకోగలడని పాంటింగ్ వెల్లడించాడు.

బీసీసీఐ ఆలోచనలు, కెప్టెన్ కోరుకునే దానిని బట్టి కోచ్ ఎంపిక ఉండొచ్చునని పాంటింగ్ తెలిపాడు. కానీ విదేశీ కోచ్ కావాలా? స్వదేశీ కోచ్ కావాలా? అనేది బీసీసీఐ నిర్ణయంపై ఆధారపడి ఉంటుందని తెలిపాడు. భారత జట్టుకు కోచింగ్ ఇవ్వగల అత్యుత్తమ సమర్థుల్లో ద్రవిడ్ ఒకడని రికీ అన్నాడు.