కూల్ కెప్టెన్, టీమిండియా సారథి మహేంద్ర సింగ్ ధోనీ కుమార్తె జివా ఫోటో ట్విట్టర్‌లోకి వచ్చేసింది. అయితే ధోనీ కూతురు ఫుల్ ఫోటో మాత్రం కనిపించదు. ఇది అభిమానులకు నిరాశ కలిగించే వార్తే. ధోనీ భార్య సాక్షి సింగ్ ధోనీ సదరు ఫొటోను ట్విట్టర్‌లో పెట్టిందట. అయితే సదరు ఫొటోలో జివా చేతి వేళ్లు మాత్రమే కనిపిస్తున్నాయి. తన వేలిని పట్టుకున్న జివా చేతిని సాక్షి ట్విట్టర్‌లో పోస్ట్ చేసింది.
గత నెల 6న గుర్గావ్‌లోని ఓ ప్రైవేట్ ఆస్పత్రిలో జివా జన్మించిన సంగతి తెలిసిందే. అంతకుముందే ఆస్ట్రేలియా వెళ్లిన ధోనీ, కూతురుని చూసేందుకు రాలేదు. కూతురు కంటే వరల్డ్ కప్ టోర్నీకే ప్రాధాన్యమిస్తానని ప్రకటించిన ధోనీ, మెగా టోర్నీ ముగిసిన తర్వాత కాని భారత్ రానని పేర్కొన్నాడు. కాగా టీమిండియా వరల్డ్ కప్‌లో ధీటుగా రాణిస్తోన్న సంగతి తెలిసిందే. ఈ వరల్డ్ కప్‌లో తొలి మూడు మ్యాచ్‌ల్లో విజయం సాధించడం ద్వారా ధోనీ సేన రికార్డు సృష్టించిన సంగతి తెలిసిందే.