టీమిండియా జట్టులో అజింక్యా రహానేను ఐదో నెంబర్లో బ్యాటింగ్కు పంపితే అత్యుత్తమ ఫలితాలు సాధించవచ్చునని గ్రేట్ వాల్ రాహుల్ ద్రవిడే తెలిపాడు. టీమిండియాలో నిలకడ ప్రదర్శించే రహానేను టెస్టుల్లో వన్ డౌన్లో బ్యాటింగ్ పంపడం సరైన నిర్ణయమని తాను భావించట్లేదన్నాడు. బెంగళూరులో రాహుల్ ద్రవిడ్ మాట్లాడుతూ.. రహానేను ఐదో స్థానంలో లేకుంటే నాలుగో స్థానంలో పంపినా ఉపయోగం ఉంటుందని ద్రవిడ్ అభిప్రాయపడ్డాడు.
రహానేను టెస్టులో ఆ స్థానంలో బ్యాటింగ్కు పంపడం వల్ల టెయిలెండర్లతో మంచి స్కోరు రాబట్టవచ్చని తెలిపాడు. అప్పటికి రెండో కొత్త బంతిని బౌలర్లు తీసుకునే అవకాశం ఉండడంతో రహానే అయితే సమర్థవంతంగా ఎదుర్కొంటాడని ద్రవిడ్ వెల్లడించాడు. రహానే తనదైన శైలిలో సహజంగా బ్యాటింగ్తో అబ్బురపరుస్తాడని ద్రవిడ్ వ్యాఖ్యానించాడు. అలాగే టీమిండియా ప్లేయర్లు బ్రిలియంట్గా ఆడుతారని.. ప్రాక్టీస్లో చూశానని ద్రవిడ్ వ్యాఖ్యానించాడు.