వెస్టిండీస్ క్రికెటర్ క్రిస్ గేల్‌లో మరోకోణం.. 'పాపకు ప్రేమతో' పాలు పట్టిన గేల్

వెస్టిండీస్ క్రికెటర్ క్రిస్ గేల్. మైదానంలో బ్యాటుతో వీరవిహారం చేసే గేల్... మైదానం వెలుపల మాత్రం అమ్మాయిలతో జల్సాలు, అసభ్యకరమైన కామెంట్లు చేస్తూ వివాదాస్పద క్రికెటర్‌గా అప్రతిష్ట మూటగట్టుకున్నాడు.

వెస్టిండీస్ క్రికెటర్ క్రిస్ గేల్. మైదానంలో బ్యాటుతో వీరవిహారం చేసే గేల్... మైదానం వెలుపల మాత్రం అమ్మాయిలతో జల్సాలు, అసభ్యకరమైన కామెంట్లు చేస్తూ వివాదాస్పద క్రికెటర్‌గా అప్రతిష్ట మూటగట్టుకున్నాడు. అయితే, గేల్‌లో మరో కోణం కూడా ఉంది. ప్రస్తుతం సోషల్ మీడియా ఫ్లాట్ ఫాం 'ఇన్ స్టాగ్రాం'లో ప్రత్యక్షమైన ఓ ఫొటో చూస్తే గేల్‌లో ఉండే ఈ కోణం ఏంటో ఇట్టే అర్థమైపోతుంది.

అయితే ఇటీవలే క్రిస్ గేల్ భార్య ఓ పండంటి పాపకు జన్మనిచ్చింది. ఆ పాపకు 'బ్లష్' అని పేరు పెట్టుకున్న గేల్... బోసి నవ్వుల పాపను చూసి సంబరపడిపోతున్నాడు. పాప రాకతో తండ్రిగా మారిపోయిన గేల్‌లో ఒక్కసారిగా పెద్ద మార్పే వచ్చినట్టు కనిపిస్తోంది. కూతురుతో కాలక్షేపం చేసేందుకు అతడు ప్రస్తుతం భారత్‌తో జరుగుతున్న టెస్టు సిరీస్‌కు కూడా దూరంగా ఉంటున్నాడు. 

ప్రస్తుతం ఇంటి పట్టునే ఉంటున్న గేల్... ముద్దులొలికే కూతురికి పాలు పడుతున్నాడట. ఇలా పాపకు పాలు పడుతున్న ఫొటోను క్లిక్ మనిపించుకున్న గేల్... దానిని ఇన్ స్టాగ్రాంలో పోస్ట్ చేశాడు. గేల్‌లోని కొత్త కోణాన్ని చూసిన నెటిజన్లు ప్రశంసల వర్షం కురిపిస్తున్నారట. ప్రస్తుతం ఈఫోటో సోషల్ మీడియాలో వైరల్‌గా మారిపోయింది.