ఆస్ట్రేలియన్ ఓపెన్ : సెరీనాకు చుక్కెదురు.. ఫైనల్‌లో ఒసాకా

ప్రతిష్టాత్మక ఆస్ట్రేలియన్ టెన్నిస్ టోర్నీలో సీనియర్ క్రీడాకారిణి సెరీనా విలియమ్స్‌కు చుక్కెదురైంది. సెమీస్‌ పోరులో ఆమె ఓటమి పాలైంది. జ‌పాన్‌కు చెందిన క్రీడాకారిణి న‌వోమి ఒసాకా చేతిలో సెరీనా ఓడిపోయింది. ఈ ఓటమితో 24వ గ్రాండ్‌స్లామ్ టైటిల్‌పై ఉన్న సెరీనా ఆశ‌లు గ‌ల్లంతు అయ్యాయి.  

గురువారం జ‌రిగిన సెమీస్ మ్యాచ్‌లో ఒసాకా 6-3,6-4 స్కోర్‌తో సెరీనాను చిత్తు చేసి ఫైన‌ల్లోకి ప్ర‌వేశించింది. మూడు సార్లు గ్రాండ్‌స్లామ్ టైటిళ్లు గెలిచిన ఒసాకా ఈ మ్యాచ్‌లో సెరీనాకు ఎటువంటి ఛాన్స్ ఇవ్వ‌లేదు. 

ఒసాకా వ‌రుస‌గా 20వ మ్యాచ్‌ను గెలుచుకున్న‌ది. అయితే ఇప్ప‌టి వ‌ర‌కు  గ్రాండ్‌స్లామ్ ఫైన‌ల్లో ఒసాకా ఓట‌మి చ‌విచూడ‌లేదు. శ‌నివారం జ‌రిగే ఫైన‌ల్ మ్యాచ్‌లో జెన్నిఫ‌ర్ బ్రాడీ లేదా క‌రోలినా ముచోవ్‌తో పోటీప‌డే అవ‌కాశాలు ఉన్నాయి.