స్పైసీ డిష్ "చిల్లీ మష్రూమ్ విత్ నూడుల్స్"

FILE

కావలసిన పదార్థాలు :
బటన్ మష్రూమ్స్ (పుట్టగొడుగులు).. 500 గ్రా.
క్యాప్సికమ్.. 200 గ్రా.
మీడియంసైజు ఉల్లిపాయలు.. 2
అల్లం.. 50 గ్రా
వెల్లుల్లి.. 6 పాయలు
నూనె.. 4 టీ.
కారంపొడి.. 1 టీ.
డార్క్ సోయా సాస్.. 2 టీ.
వెనిగర్.. 2 టీ.
కార్న్‌ఫ్లోర్.. 1 టీ.
మంచినీరు.. 1 కప్పు

తయారీ విధానం :
మష్రూమ్స్‌ను రెండుగా కట్ చేసుకోవాలి. క్యాప్సికమ్‌లను కూడా సగానికి కట్ చేసి వాటిలోని విత్తనాలను తీసివేయాలి. ఉల్లిపాయలు, అల్లం, వెల్లుల్లిలను మెత్తగా పేస్ట్ చేయాలి. ఓ బాణలిలో 5 టీస్పూన్ల నూనెను వేడిచేసి, అందులో నూరిన మిశ్రమాన్ని వేసి వేయించాలి. అందులోనే కారంపొడి కూడా వేసి పావుకప్పు నీటిని చేర్చి, మిశ్రమం గట్టిపడేంతదాకా సిమ్‌లో ఉడికించాలి.

ఆ తరువాత క్యాప్సికమ్, మష్రూమ్ ముక్కల్ని వేసి తగినంత ఉప్పుకూడా చేర్చి కలిపి, మూతపెట్టి సిమ్‌లో బాగా ఉడికేంతవరకూ మగ్గించాలి. బ్లాక్ సోయాసాస్, వెనిగర్‌లను కూ ఆ మిశ్రమానికి కలిపి, కార్న్‌ఫ్లోర్‌ను కాసిన్ని నీటిలో వేసి కలిపి కూరలో పోయాలి. ఆపై ఒక నిమిషం సిమ్‌లో ఉడికించి దించేయాలి. అంతే చిల్లీ మష్రూమ్ రెడీ..! దీన్ని వేడి వేడిగా వెజిటబుల్ రైస్ లేదా నూడుల్స్‌తో కలిపి సర్వ్ చేస్తే సూపర్బ్‌గా ఉంటుంది. ట్రై చేసి చూడండి మరి..!