వాల్‌నట్స్ బనానా కేక్ ఎలా చేయాలి?

వాల్‌నట్స్ గుండెకు ఎంతో మేలు చేస్తాయి. ఒత్తిడిని, నిద్రలేమిని దూరం చేసుకోవాలంటే వాల్ నట్స్‌ పౌడర్‌ను పాలలో కలుపుకుని తాగితే సరిపోతుంది. ఊబకాయాన్ని దూరం చేసే ఈ వాల్‌నట్స్‌ను బనానాతో కలిసి కేక్‌‌లా తయారు చేస్తే పిల్లలు ఇష్టపడి తింటారు. వాల్‌నట్స్ బనానా కేక్ ఎలా చేయాలో ట్రై చేద్దామా..?

కావలసిన పదార్థాలు :

మైదా పిండి - అరకేజీ
బనానా - ఐదు
బేకింగ్ పౌడర్ - అర స్పూన్
వాల్‌నట్స్ - ఒక కప్పు
షుగర్ పౌడర్ - అర కప్పు
బ్రౌన్ షుగర్ - ఒక టేబుల్ స్పూన్
పాలు - ఒక కప్పు
వెనిలా ఎసెన్స్ - అర టీ స్పూన్
ఏలకుల పొడి - అర టీ స్పూన్
బటర్ - ఒక కప్పు
నూనె - ఒక టేబుల్ స్పూన్

తయారీ విధానం :
ముందుగా మైదాపిండితో బేకింగ్ పౌడర్, సోడా పిండి చేర్చి మూడు సార్లు బాగా జల్లించుకోవాలి. వెన్న, బ్రౌన్ షుగర్, షుగర్ పొడి ఒకవైపే బాగా గిలకొట్టాలి. ఈ గిలకొట్టిన మిశ్రమంలో జల్లించిన మైదా పిండిని కొంచెం కొంచెంగా చేర్చుకోవాలి. ఈ మిశ్రమం బాగా కలిసిపోయాక అందులో అరటి పండును వేయాలి.

తర్వాత నూనె, పాలు, ఎసెన్స్‌, ఏలకుల పొడి, వాల్ నట్స్ కూడా చేర్చి ఈ మిశ్రమాన్ని బటర్ రాసిన ట్రేలోకి తీసుకుని బేక్ చేయాలి. తర్వాత వాల్ నట్స్‌‌తో అలంకరించుకుని పిల్లలకు ఈవెనింగ్ స్నాక్స్‌గా ఉపయోగించుకోవచ్చు.