మ్యాంగో మిల్క్ క్యాండీస్

కావలసిన పదార్థాలు :
మామిడిపండ్లు... ఎనిమిది
పాలు... రెండు కప్పులు
చక్కెర... ఒక కప్పు
కొబ్బరితురుము... ఒక కప్పు
బాదం, పిస్తా, జీడిపప్పులు... ఒక కప్పు

తయారీ విధానం :
మామిడిపళ్లను చెక్కు తీసి, చిన్న చిన్న ముక్కలుగా చేసి మెత్తగా మెదుపుకోవాలి. పాలల్లో చక్కెర వేసి, సన్నటి మంటపై మరిగించాలి. పాలు బాగా మరిగి, పావు వంతు మాత్రమే మిగిలిన తరువాత మామిడిపండు గుజ్జు, కొబ్బరి తురుమును వేసి బాగా కలుపుతూ సన్నటి మంటపై ఉడికించాలి.

మిశ్రమం బాగా దగ్గరవుతుండగా బాదం, పిస్తా, జీడిపప్పులను వేసి కలపాలి. మరో ఐదు నిమిషాలు అలాగే ఉడికించి తరువాత దించేయాలి. వెన్న లేదా నెయ్యి రాసి వెడల్పాటి గిన్నెలో ఈ మిశ్రమాన్ని పోసి, సమంగా సర్దాలి. చల్లారిన తరువాత కావాల్సిన రీతిలో ముక్కలుగా కోసి సర్వ్ చేయాలి. అంతే మ్యాంగో మిల్క్ క్యాండీస్ తయారైనట్లే...!