కాకరతో మంజూరి ఎలా చేయాలి?

FILE

కాకరలో ఎన్నో ఔషధ గుణాలున్నాయి. కాకరకాయ మధుమేహానికి ఎంతో మేలు చేస్తుందని న్యూట్రీషన్లు అంటున్నారు. అలాంటి కాకరతో వెరైటీ మంజూరియన్ చేస్తే ఎలా వుంటుందో ట్రై చేద్దామా?

కావలసిన పదార్థాలు :
కాకరకాయలు : పావు కేజీ
మైదా - ఒక కప్పు
కార్న్ ఫ్లోర్ - అర కప్పు
మిరప్పొడి - ఒక టీ స్పూన్
నిమ్మరసం - అర టీ స్పూన్
ఉల్లిపాయ తరుగు - పావు కప్పు
టమోటా తరుగు - పావు కప్పు
అల్లం, వెల్లుల్లి పేస్ట్ - ఒక టీ స్పూన్
పసుపు - చిటికెడు
ఉప్పు - సరిపడా

తయారీ విధానం:
ముందుగా కాకరకాయ ముక్కల్ని ఉప్పు నీటిలో కాసేపు ఉంచాలి. తర్వాత కాకర ముక్కలను వేరొక పాత్రలోకి తీసుకుని మైదా, కార్న్ ఫ్లోర్, నిమ్మరసం చేర్చి బాగా కలిపి పావు గంట ఊరనివ్వాలి. తర్వాత బాణలిలో నూనె వేడయ్యాక కాకరను దోరగా వేయించి ఓ పాత్రలోకి తీసుకోవాలి.

తదనంతరం అల్లం, వెల్లుల్లి పేస్ట్ ఉల్లి, టమోటా తరుగులను బాగా వేపుకుని దీంతో వేయించిన కాకరను చేర్చి బాగా కలపాలి. ఉప్పు తగినంత వేసి ఐదు నిమిషాల తర్వాత దించేయాలి. కాక మంజూరీ రెడీ.