పిల్లల్లో ఆత్మన్యూనతకు కారణాలేంటి?

నలుగురితో కలిసే చిన్నారులతో పోల్చిచూస్తే ఒంటరిగా ఉండే పిల్లల్లో ఆత్మన్యూనత, అభద్రతా భావం ఎక్కువగా ఉంటాయట. ఇలాంటప్పుడు ఏం చేయాలంటే.. స్కూలుకెళ్లే పిల్లలతో వాళ్ల తరగతి గది విశేషాలను అడిగి తెలుసుకోండి. స్నేహితుల వివరాలూ రాబట్టండి. అలాంటప్పుడు నాకెవ్వరూ స్నేహితులు లేరు.. నేనొక్కడినే ఆడుకుంటా అంటుంటే దానికి కారణం తెలుసుకోండి. 

తోటి చిన్నారులు మీ బాబులోని లోపాన్ని ఎత్తిచూపుతున్నప్పుడు అలాంటి వారికి దూరంగా, ఒంటరిగా ఉండాలనుకుంటారు. అదే కారణమైతే మీ చిన్నారిలో ఆత్మవిశ్వాసం నింపండి. తనలో ఉన్న ప్రతిభను బయటపెడితే అందరూ తనతో స్నేహంగా ఉంటారనే విషయం తెలియచేయండి. ఏదైనా లోపం ఉంటే అది చిన్నదేనని సర్దిచెప్పండి. 

మా పాపని వాళ్లనాన్న ఒక్క క్షణమూ వదిలి ఉండలేరు. అందుకే ఎక్కడికీ పంపం అంటుంటారు. కొందరు తల్లులు. అయితే ఈ  తీరుతో పిల్లల్లో ప్రతికూల ఆలోచనలను పెంచుతున్నామని ఎప్పుడైనా, ఆలోచించారా? అమ్మానాన్నల తోడు లేకుండా ఎక్కడికీ వెళ్లలేకపోవడం, చిన్న ఇబ్బందికే బెంబేలెత్తిపోవడం వంటివి చేస్తుంటారు. ఇలాంటప్పుడు రోజూ మీ స్నేహితురాలి ఇంటికో లేక దగ్గర్రో ఉన్న పార్కుకో తీసుకెళ్లండి. అక్కడి ఉన్న పిల్లలతో పాటు ఆడుకునేలా ప్రోత్సహించండి.