వేసవి కాలంలో చిన్నారుల్ని వేధించే "డయేరియా"

FILE

* సాధారణంగా వేసవి కాలం వచ్చిందంటే చాలు.. చిన్నారులు డయేరియా బారిన పడుతుంటారు. డయేరియానే తెలుగులో "నీళ్ల విరేచనాలు" అని అంటారు. అయితే దీనికి అంతగా భయపడాల్సింది లేదు. కొన్ని జాగ్రత్తలు తీసుకున్నట్లయితే చిన్నారుల్ని ఈ సమస్య నుంచి బయటపడేయవచ్చు.

* నీళ్ల విరేచనాలు ఎక్కువగా అయినప్పుడు పిల్లల శరీరంలోని నీరు, లవణాలు బయటికి పోవటం వల్ల డీహైడ్రేషన్ జరిగి, ప్రమాదానికి దారి తీస్తుంది. కాబట్టి శరీరం కోల్పోయిన నీటిని, లవణాలను వెంటనే శరీరానికి అందించినట్లయితే వాటిని అరికట్టవచ్చునని వైద్యులు చెబుతున్నారు. ముఖ్యంగా ఈ విరేచనాలకు కంగారుపడి మందులు వాడాల్సిన అవసరం లేదని అయితే, విరేచనాలతోపాటు రక్తం పడుతున్నట్లయితేనే మందులు వాడాలని వారు సూచిస్తున్నారు.

* పాలు, కొబ్బరినీరు, మజ్జిగలాంటివి క్రమంగా పిల్లలకు అందించాలి. ఈ సమయంలో ఆహారం విషయంలో అశ్రద్థ పనికిరాదు. విరేచనాలు ఇంకా ఎక్కువ అవుతాయేమోనని పిల్లలకు ఆహారాన్ని ఇవ్వకుండా ఉండకూడదు. అలా చేస్తే వాళ్ళు నీరసించిపోతారు. ఈ సమయంలో ఓఆర్ఎన్ ద్రవాన్ని పిల్లలకి తప్పకుండా త్రాగించాలి. ఈ ద్రావణాన్ని విరేచనం జరిగిన ప్రతిసారి పట్టిస్తూ ఉంటే రెండు మూడు రోజుల్లో సమస్య అదుపులోకి వస్తుంది.