మీ భార్య నుదిటిపై పుట్టుమచ్చ ఉందా..? అహంకారమెక్కువ!!

File

FILE

చాలా మంది మహిళల నుదిటిపై, పెదవులు, కనురెప్పలపై, బుగ్గలపై పుట్టుమచ్చలు ఉంటాయి. ఇలాంటి వారిలో నుదిటి పై భాగమునందు పుట్టుమచ్చ ఉన్న స్త్రీలకు అహంకారం, గర్వం, పౌరుషం ఎక్కువగా ఉంటుందని జ్యోతిష్యులు చెపుతున్నారు. ఇలాంటి వారు ఉన్నత విద్యల్లో బాగా రాణిస్తారట. జ్ఞానవంతురాలు, కళలయందు ఆసక్తి ఎక్కువగా ఉండటమేగాక టీవీ మెగా సీరియల్స్‌కు కథ, మంచి బ్యానర్స్‌పై సినీ రచనలు చేయడం, పత్రికా రంగంలో ఉన్నత రచయత్రీ అయ్యే అవకాశం ఉంది.

మంచి ప్రావీణ్యంతో రాణించే వీరు... సమాజంలో పేరొందిన వ్యక్తులతో స్నేహం ఏర్పరుచుకోగలరు. అయితే, వీరి వైవాహిక బంధం అంత పటిష్టంగా ఉండదని చెపుతున్నారు. అయితే, సర్దుకుపోతే మంచి ఫలితాలుంటాయి. అయితే నుదుటిపై పుట్టుమచ్చగల స్త్రీలు భర్తను ఏ మాత్రం లెక్కచేయదట.

చివరికి పిల్లల బాగోగులు కూడా పట్టించుకోరని అంటున్నారు. అయినప్పటికీ వీరికి అనుకూలమైన భర్త లభించడం వీరికి ప్లస్ పాయింటే. ఇంకా నుదుటిపై పుట్టుమచ్చగల స్త్రీలకు కలిగే సంతానం ఉన్నత స్థాయికి ఎదుగుతారు.