దేశ నవరత్న కంపెనీలలో ఒకటిగా గుర్తింపు పొందిన భారత్ హెవీ ఎలక్ట్రికల్స్ లిమిటెడ్ (బీహెచ్ఈఎల్), రాణిపేట్ యూనిట్‌లో వివిధ విభాగాల కింద 173 పోస్టులను భర్తీ చేయనున్నారు. ఇందుకోసం దరఖాస్తులను ఆహ్వానిస్తోంది. మొత్తం 173 పోస్టుల్లో ఫిట్టర్-96, వెల్డర్-40, మెషినిస్ట్-6, ఎలక్ట్రీషియన్-6, మెటీరియల్ హ్యాండ్లింగ్ ఆపరేటర్-20, ఏసీ మెకానిక్-3, సీఎన్‌సీ ఎలక్ట్రానిక్ మెకానిక్-2 చొప్పున ఉన్నాయి.
వీటికి దరఖాస్తు చేసుకునే అభ్యర్థులు, పదో తరగతి, నేషనల్ ట్రేడ్ సర్టిఫికెట్‌తో సహా ఫిట్టర్/వెల్డర్/మెషినిస్ట్/ఎలక్ట్రీషియన్/ఏసీ మెకానిక్/ఎలక్ట్రానిక్స్ మెకానిక్‌లో నేషనల్ అప్రెంటిషిప్ సర్టిఫికెట్‌ను కలిగి ఉండాలి. దరఖాస్తు చేసే అభ్యర్థుల వయస్సు 2010 అక్టోబర్ ఒకటో తేదీ నాటికి 27 కలిగి ఉండాలి. నవంబరు 15వ తేదీ లోగా ఆన్‌లైన్ ద్వారా దరఖాస్తు చేసుకోవాల్సి ఉంటుంది.