జాబ్స్: విజయా బ్యాంకులో 500 ఖాళీలు

500 క్లర్కు పోస్టుల్లో భర్తీ చేసేందుకు విజయా బ్యాంకు ప్రకటన విడుదల చేసింది. ఈ పోస్టులకు దరఖాస్తు చేసుకోవడానికి ఉండవలసిన అర్హతలు వంటి తదితర అంశాలను ఈ క్రింది విధంగా పేర్కొంది.

మొత్తం ఖాళీలు.. 500.. ఇందులో జనరల్ కేటగిరీలో 242 సీట్లు, ఎస్సీ కేటగిరీలో 86, ఎస్టీ కేటగిరీలో 36, ఓబీసీ కేటగిరీలో 136 ఖాళీలున్నాయి. ఇందులో ప్రత్యేకించి ఆంధ్రప్రదేశ్‌లో ఉన్న ఖాళీలు.. 40 సీట్లు. ఇందులో జనరల్ కేటగిరీలో 18, ఎస్సీ కేటగిరీలో 8, ఎస్టీ కేటగిరీలో 3, ఓబీసీ కేటగిరీలో 11 ఖాళీలు ఉన్నాయి.

వేతన వివరాలు.. రూ. 4,410 నుంచి రూ. 13,210 వరకు ఉంటుంది. దరఖాస్తు చేసుకోవడానికి ఉండవలసిన అర్హతలు... ఇంటర్మీడియట్ లేదా దాని సరిసమాన విద్యార్హత లేదా గుర్తింపు పొందిన విశ్వవిద్యాలయం నుంచి ఏదేనీ డిగ్రీలో ఉత్తీర్ణత సాధించి ఉండాలి. కనీసం 50 శాతం మార్కులు తప్పనిసరి.

2009, జూలై 1వ తేదీ నాటికి 18 నుంచి 28 సంవత్సరాలకు మించి ఉండరాదు. ఇందులో ఎస్సీ, ఎస్టీలకు ఐదేళ్లు, ఓబీసీలకు మూడేళ్ల, ఫిజికల్లీ హ్యాండీకాప్ (పీడబ్ల్యూడీ)లకు పదేళ్ల వరకు వయోపరిమితి సడలింపునిస్తారు. రాత పరీక్ష, మౌఖిక (ఇంటర్వ్యూ) పరీక్ష ద్వారా ఎంపిక విధానం ఉంటుంది.

దీనికి సంబంధించిన హైదరాబాద్‌లో పరీక్ష కేంద్రం ఉంది. ఆన్‌లైన్ ద్వారా దరఖాస్తు చేసుకోవలసి ఉంటుంది.

విజయా బ్యాంక్ రిక్రూట్‌మెంట్ ప్రాజెక్ట్- 2009, పేరున న్యూఢిల్లీలో చెల్లే విధంగా రూ. 300 డీడీ తీసి పంపవలసి ఉంటుంది. ఎస్సీ, ఎస్టీ, పీడబ్ల్యూడీలు మాత్రం రూ. 50 డీడీ చెల్లిస్తే సరిపోతుంది.

అభ్యర్థులు తమ దరఖాస్తులను 2009, అక్టోబర్ 1వ తేదీలోగా ఆన్‌లైన్‌లో పంపుకోవలసి ఉంటుంది. మరిన్ని వివరాలకు డబ్ల్యూడబ్ల్యూడబ్ల్యూడాట్‌విజయాబ్యాంక్‌డాట్‌కామ్