నానోస్కేల్ మెటీరియల్స్‌పై భాగస్వామ్య అభివృద్ధి కార్యక్రమంతో ఫ్యాకల్టీ ఇన్నోవేషన్‌: KLH బాచుపల్లి క్యాంపస్

హైదరాబాద్: KLH బాచుపల్లి క్యాంపస్‌లోని ఎలక్ట్రానిక్స్, కమ్యూనికేషన్ ఇంజనీరింగ్ విభాగం (ECE) ఇటీవల "అడ్వాన్స్‌డ్ నానోస్కేల్ మెటీరియల్స్ ఫర్ సస్టైనబుల్ ఎలక్ట్రానిక్స్-ఎనర్జీ డివైజెస్" శీర్షికన 10 రోజుల ఆన్‌లైన్ ఫ్యాకల్టీ డెవలప్‌మెంట్ ప్రోగ్రామ్ (FDP)ను విజయవంతంగా నిర్వహించింది. ఈ కార్యక్రమం, నానో మెటీరియల్స్‌లో అత్యాధునిక పరిణామాలు, పర్యావరణ ఎలక్ట్రానిక్స్, ఎనర్జీ అప్లికేషన్లలో వాటి పరివర్తన పాత్ర గురించి చర్చించడానికి విద్యావేత్తలు, పరిశోధకులు, పరిశ్రమ నిపుణులను ఒకచోట చేర్చింది.

నానో మెటీరియల్స్ గురించి లోతైన, బహుళ విభాగ అవగాహనను ప్రోత్సహించడానికి రూపొందించబడిన ఈ వర్చువల్ FDP, భవిష్యత్తు కోసం విద్యుత్ పొదుపు చేయగల, పర్యావరణ అనుకూల పరికరాలను అభివృద్ధి చేయడానికి, అధ్యాపకులకు జ్ఞానం కల్పించడం లక్ష్యంగా పెట్టుకుంది. ఈ కార్యక్రమానికి NIT వరంగల్‌లోని ఎలక్ట్రానిక్స్ & ICT అకాడమీ, IIITDM-కర్నూల్ మద్దతు ఇచ్చాయి, నిపుణులైన రిసోర్స్ పర్సన్‌ల కోసం నిధులు కేటాయించబడ్డాయి. పాల్గొన్న వారందరికీ ప్రశంసా పత్రాలు అందించ బడ్డాయి.

దాదాపు 40 గంటల పాటు, IITలు, NITలు, IIITDMలు, IISER వంటి ప్రతిష్టాత్మక సంస్థల నుండి 20 మంది ప్రముఖ వక్తలు ప్రాథమిక భావనలు, అధునాతన వినియోగాలు, రెండింటిపై సమగ్ర పరిజ్ఞానం అందించారు. ఈ సెషన్‌లలో ఆప్టోఎలక్ట్రానిక్స్, ఎనర్జీ హార్వెస్టింగ్, ఫైబర్ ఆప్టిక్ సెన్సార్లు, వేరబల్ సాంకేతికతలతో సహా విస్తృత శ్రేణి అంశాలను చర్చించారు. భాగస్వామ్య అభ్యాసంకు అధిక ప్రాధాన్యత ఇవ్వబడింది, నానోమెటీరియల్ సింథసిస్, ఫాబ్రికేషన్ టెక్నిక్‌లు, పర్యావరణ పరిరక్షణలో వాటి ఆచరణాత్మక వినియోగం పై క్రాస్-ఇన్‌స్టిట్యూషనల్ నాలెడ్జ్-షేరింగ్‌ను ప్రోత్సహించింది.

ఆప్టోఎలక్ట్రానిక్ పరికరాల్లో సెమీకండక్టర్ల పాత్రపై కీలక చర్చలు దృష్టి సారించాయి, పాల్గొన్న వారికి మెటీరియల్ సైన్స్‌పై తమ అవగాహనను మరింతగా పెంచుకోవడానికి వీలు కల్పించాయి. నిపుణులు ఫ్లెక్సిబుల్ ఎలక్ట్రానిక్స్‌పై ప్రత్యేక దృష్టితో తదుపరి తరం వేరబల్ వస్తువుల కోసం మెటీరియల్  సృష్టిని కూడా అన్వేషించారు. అదనంగా, ఫైబర్ ఆప్టిక్ సెన్సార్ పనితీరును పెంచడంలో నానోమెటీరియల్స్ యొక్క ప్రాముఖ్యతను హైలైట్ చేశారు, సెన్సార్ టెక్నాలజీపై వాటి ప్రభావాన్ని ప్రదర్శించారు.

సాంకేతిక కంటెంట్‌కు మించి, FDP కొత్త పరిశోధన ప్రాజెక్టుల అభివృద్ధిని ప్రోత్సహించింది, పాల్గొనేవారు వారి బోధనా పద్ధతులను మెరుగుపరచడానికి, స్థిరమైన సాంకేతికతల పురోగతికి దోహదపడటానికి అవసరమైన జ్ఞానం మరియు నైపుణ్యాలను పొందారు. KLH బాచుపల్లి క్యాంపస్ ప్రిన్సిపాల్ డాక్టర్ ఎల్. కోటేశ్వరరావు ఈ కార్యక్రమం విజయవంతం కావడం పట్ల తన సంతోషం వ్యక్తం చేస్తూ, "స్థిరమైన ఎలక్ట్రానిక్స్‌లో ఆవిష్కరణలను ప్రోత్సహించడంలో, పరిశోధన సామర్థ్యాలను బలోపేతం చేయడంలో ఈ FDP కీలక పాత్ర పోషించింది. నిపుణులైన వక్తలు పంచుకున్న విలువైన పరిజ్ఙానం అధ్యాపక పరిశోధనను మెరుగుపరచడమే కాకుండా విద్యా పాఠ్యాంశాల్లో తాజా పురోగతులను ఏకీకృతం చేయడానికి కూడా వీలు కల్పిస్తాయి" అని అన్నారు.