కంబైన్డ్ డిఫెన్స్ సర్వీసెస్ 2019 (సీడీఎస్ I) పరీక్షలకు ఆన్‌లైన్ రిజిస్ట్రేషన్‌కు నవంబర్ 26, 2018 చివరి తేదీ. అభ్యర్థులు యూపీఎస్సీఆన్‌లైన్‌డాట్ఎన్ఐసీడాట్ఎన్ అనే వెబ్‌సైట్లో సీడీఎస్ 1 పరీక్షల కోసం దరఖాస్తు చేసుకోవచ్చు. యూనియన్ పబ్లిక్ సర్వీస్ కమిషన్ (యూపీఎస్సీ) ఆధ్వర్యంలో కంబైన్డ్ డిఫెన్స్ సర్వీసెస్ 2019 (సీడీఎస్ I) పరీక్షలు వచ్చే ఏడాది (2019) ఫిబ్రవరి 3వ తేదీన జరుగనున్నాయి.
ఇప్పటికే సీడీఎస్ 2 పరీక్షలు ఈ ఏడాది ముగిసిన సంగతి తెలిసిందే. ఈ పరీక్షలు దేశ వ్యాప్తంగా 41 కేంద్రాల్లో జరిగాయి. ఈ పరీక్షల్లో ఉత్తీర్ణులైన 41 మందిని డెహ్రాడూన్‌లోని మిలటరీ అకాడమీలో, నావీ అకాడమీ (ఎయిమల), ఎయిర్‌ఫోర్స్ అకాడమీ హైదరాబాద్ (ప్రీ-ఫ్లైయింగ్)లకు ఎంపిక చేశారు. 32 ట్రైనింగ్ కోర్సులు, ఆఫీసర్లు ఈ ట్రైనింగ్‌లో పాల్గొంటున్నారు.
ఈ నేపథ్యంలో ఫిబ్రవరి 3వ తేదీన జరిగే కంబైన్డ్ డిఫెన్స్ సర్వీసెస్ 2019 (సీడీఎస్ I) పరీక్షలు రాయాలనుకునే వారు ఐఎంఏ లేదా ఓటీఏలో గ్రాడ్యుయేషన్ పొందివుండాలి. ఇంజనీరింగ్ చదివిన గ్రాడ్యుయేట్లు భారత నావీ అకాడమీ కోసం ఈ పరీక్షకు రాసుకోవచ్చు. సైన్స్, బ్యాచులర్ ఆఫ్ ఇంజనీరింగ్ చదివిన అభ్యర్థులు ఎయిర్ ఫోర్స్ అకాడమీ విభాగంలో ఎంపికయ్యేందుకు ఈ పరీక్ష రాయవచ్చునని యూపీఎస్సీ తెలిపింది.
సాధారణంగా ఆర్మీ, నావీ, ఎయిర్ ఫోర్స్ అకాడమీల్లో శిక్షణ పొందేందుకు ఈ పరీక్షలు నిర్వహిస్తారు. ఆన్‌లైన్‌లో దరఖాస్తు చేసుకునే అభ్యర్థులు గ్రాడ్యుయేషన్ ప్రొవిషనల్ సర్టిఫికేట్లను సమర్పించాల్సి వుంటుందని యూపీఎస్సీ ఓ ప్రకటనలో తెలిపింది.