హోటల్ మేనేజ్‌మెంట్ కోర్సులకు స్విట్జర్లాండ్‌కు అంతర్జాతీయంగా ప్రత్యేక స్థానముంది. హోటల్ మేనేజ్‌మెంట్ కోర్సులను ప్రవేశపెట్టడం ద్వారా హోటల్ వృత్తికి ఉద్యోగ హోదాను కల్పించడంలో స్విట్జర్లాండ్ తొలి దేశంగా వినుతికెక్కింది. ఏక కుటుంబం ఆధ్వర్యంలో నిర్వహించబడే హోటళ్ల నుంచి ఐదు నక్షత్రాల హోటళ్లతో అలరారుతున్న స్విట్లర్లాండ్ ఆతిథ్య రంగంలో ప్రపంచానికి పాఠాలు నేర్పుతోంది.
స్విట్లర్లాండ్‌లో విద్యను అభ్యసించే విద్యార్థులు ఆత్మవిశ్వాసాన్ని పెంపొందిచుకోవడంతో పాటు నిజాయితీ, విశ్వసనీయత, పారదర్శకతలుగా నిదర్శనంగా నిలుస్తున్నారు. అంతే కాక అనేక భాషలను నేర్చుకునే అవకాశం స్విట్జర్లాండ్‌లో విద్యార్థులకు లభిస్తుంది. అలాగే భిన్నమైన సంస్కృతులు విద్యార్థులకు పరిచయమవుతాయి. ఇక్కడి బిజినెస్ అండ్ హోటల్ మేనేజ్‌మెంట్ స్కూల్ (బీహెచ్ఎమ్ఎస్) ఖ్యాతి విశ్వవిఖ్యాతినొందింది.
బీహెచ్ఎమ్ఎస్ గురించి లర్జన్ వెండిక్ట్ స్విట్జర్లాండ్ చైన్ ఆఫ్ స్కూల్స్‌కు బీహెచ్ఎమ్ఎస్ అనుబంధితమైంది. ప్రతి ఏటా ప్రపంచవ్యాప్తంగా 200 మంది విద్యార్థులు స్విట్జర్లాండ్‌లో విద్యను అభ్యసించేందుకు వస్తుంటారు. ఇక్కడ హోటల్ మేనేజ్‌మెంట్ విద్యను అభ్యసించే విద్యార్థులు తమ పాఠ్యప్రణాళికలో భాగంగా ఏదైనా పర్యాటక కేంద్రంలో పర్యటించడం ద్వారా విశిష్టమైన అనుభవాన్ని సంపాదించుకుంటారు. అంతర్జాతీయంగా హోటల్, పర్యాటకం మరియు సేవా రంగాలకు సేవలందించే పట్టభద్రులను ప్రపంచానికి అందించడం లక్ష్యంగా బీహెచ్ఎమ్ఎస్ తన విద్యాకార్యక్రమాలను కొనసాగిస్తోంది.