టాటా మోటార్స్ సిఎస్ఆర్ కార్యక్రమాలు: 2024లో 10 లక్షల మంది జీవితాలను మార్చాయి

భారతదేశంలోని ప్రముఖ ఆటోమొబైల్ కంపెనీ అయిన టాటా మోటార్స్, తమ వ్యూహాత్మక కమ్యూనిటీ జోక్యాల యొక్క పరివర్తన ప్రభావాన్ని వేడుక చేసుకుంటూ ఈరోజు తమ 10వ వార్షిక కార్పొరేట్ సామాజిక బాధ్యత (సిఎస్ఆర్) నివేదికను విడుదల చేసింది. దాదాపు 1 మిలియన్ కంటే ఎక్కువ మంది ప్రజల జీవితాలపై చూపిన స్థిరమైన ప్రభావాన్ని వెల్లడిస్తూ "బిల్డింగ్ టుగెదర్ ఎ మిలియన్ డ్రీమ్స్" పేరుతో రూపొందించబడిన ఈ మైలురాయి నివేదిక, ఈ దశాబ్దపు ప్రయాణంలో భాగస్వామ్యాలు పోషించిన కీలక పాత్రకు అంకితం చేయబడింది. SC మరియు ST వర్గాలకు చెందిన 40 శాతం కంటే ఎక్కువ మంది లబ్ధిదారులతో, టాటా మోటార్స్ దాని సిఎస్ఆర్ అడుగుజాడలను సమీప కమ్యూనిటీలకు మించి గణనీయంగా విస్తరించింది, 26 రాష్ట్రాలు, 8 కేంద్రపాలిత ప్రాంతాలలో 94 ఆకాంక్షాత్మక జిల్లాలను చేరుకుంది.

10వ వార్షిక సిఎస్ఆర్ నివేదికను విడుదల చేసిన సందర్భంగా టాటా మోటార్స్ సిఎస్ఆర్ హెడ్ వినోద్ కులకర్ణి మాట్లాడుతూ, “మా నిబద్ధతతో కూడిన సిఎస్ఆర్ కార్యక్రమాల ద్వారా పది లక్షల మందికి పైగా జీవితాలను మార్చడంలో మేము సాధించిన ప్రగతికి మేము ఎంతో గర్విస్తున్నాము. మా వినూత్నమైన 'మోర్ ఫర్ లెస్ ఫర్ మోర్' వ్యూహం సమర్థతను పెంచడానికి, సాంకేతికతను స్వీకరించడానికి, వనరులను మెరుగుపరచటానికి, ప్రోగ్రామ్‌లను విస్తరించటానికి, మా పరిధిని విస్తృతం చేయడానికి, దేశవ్యాప్తంగా మా ప్రభావాన్ని మరింతగా పెంచడానికి మాకు అధికారం ఇచ్చింది. ఈ విజయం మా భాగస్వాముల యొక్క తిరుగులేని మద్దతు, మేము సేవ చేసే కమ్యూనిటీల నమ్మకానికి నిదర్శనం. మేము ముందుకు సాగుతున్నప్పుడు, క్లిష్టమైన సామాజిక సమస్యలను పరిష్కరించడానికి, విద్య, ఆరోగ్యం, ఉపాధి, పర్యావరణ పరిరక్షణలో స్థిరమైన అభివృద్ధిని ప్రోత్సహించడానికి ప్రభుత్వ పథకాలను ఉపయోగించుకోవడానికి మేము అంకితభావంతో ఉంటాము..." అని అన్నారు. 

ఏడాది పొడవునా, ఆరోగ్యం (ఆరోగ్య), విద్య (విద్యాధనం), ఉపాధి(కౌశల్య), నీటి సంరక్షణ, సమగ్ర గ్రామాభివృద్ధిపై ప్రత్యేక దృష్టి సారించి పర్యావరణం (వసుంధర)లో కేంద్రీకృత సామాజిక జోక్యాలను అమలు చేయడానికి టాటా మోటార్స్ ప్రభుత్వం, ప్రభుత్వేతర మరియు ప్రైవేట్ రంగాలలో బలాలను ఏకీకృతం చేయడంపై దృష్టి సారించింది.