స్పైస్‌జెట్ విమానంలో సిగరెట్ తాగిన కేసుకు సంబంధించి సోషల్ మీడియా ఇన్‌ఫ్ల్యూయెన్సర్ బాబీ కటారియా ఈ ఘటనపై వివరణ ఇచ్చాడు. తాను సిగరెట్ తాగింది నిజమైన విమానంలో కాదని.. అది డమ్మీ విమానంలో అని అన్నాడు. దుబాయ్‌లో ఓ షూటింగ్‌లో భాగంగా చేసిందన్నాడు.
అయితే, జరిగిన ఘటనపై స్పైస్ జెట్ ఎయిర్ లైన్స్ ఇచ్చిన వివరణకు బాబీ కటారియా వాదన పూర్తి విరుద్దంగా ఉంది. ఈ ఘటన జనవరిలో తమ విమానంలో జరిగిందని స్పైస్ జెట్ ధ్రువీకరించింది. ఈ విషయాన్ని క్షుణ్ణంగా విచారించామని, గుర్గావ్ పోలీసులకు ఫిర్యాదు చేశామని చెప్పారు.
ఫిబ్రవరిలోనే అతడిని 15 రోజుల పాటు నో -ఫ్లైయింగ్ లిస్ట్‌లో ఉంచినట్లు ఎయిర్ లైన్స్ తెలిపింది. కాగా, ఈ వీడియో సోషల్ మీడియాలో వైరల్ అవ్వడంతో కేంద్ర విమానయాన మంత్రి జ్యోతిరాదిత్య సింధియా స్పందించారు. అటువంటి ప్రమాదకర ప్రవర్తనను సహించేది లేదని మంత్రి చెప్పారు.